جاپون يمپەراتورىنىڭ تاققا وتىرۋىنا ارنالعان پاراد كەيىنگە قالدىرىلۋى مۇمكىن
تەلەارنانىڭ حابارلاۋىنشا، قازىر جاپونيا ۇكىمەتى وسى ماسەلەنى تالقىلاپ جاتىر. قاي كۇنگە كوشىرىلۋى مۇمكىن ەكەندىگى تۋرالى ازىرگە حابار جوق.
ەسكە سالايىق، جاپونياعا سەنبى كۇنى جەتكەن «حاگيبيس» تايفۋنى ەلگە زور شىعىن كەلتىرگەن بولاتىن.
ال بۇگىنگى دەرەكتەر بويىنشا، تابيعاتتىڭ توسىن مىنەزىنەن وپات بولعاندار سانى 77-گە جەتكەن.
ايتا كەتەيىك، بۇرىن جاپونيا ۇكىمەتى ەلدىڭ جاڭا يمپەراتورى نارۋحيتونىڭ تاققا وتىرۋىنا بايلانىستى سوتتى بولعان 550 مىڭ ادامعا راقىمشىلىق جاريالاۋدى كوزدەپ وتىرعانىن حابارلاعان بولاتىنبىز.
يمپەراتور نارۋحيتو بيىل 1 - مامىردا تاققا وتىرعان. سول كەزدە وعان مەملەكەتتىڭ باس ءمورى مەن يمپەراتور ءمورى، مەملەكەتتىك سيمۆولدار تاپسىرىلعان.
ءبىراق جاڭا يمپەراتوردىڭ تاققا وتىرۋىنا بايلانىستى باستى سالتاناتتار 22 - قازانعا بەلگىلەنگەن، سونداي- اق قاراشا ايىندا دا جالعاسۋى ءتيىس.
فوتو: AP Photo/Eugene Hoshiko