+7 (701) 759 90 19
-7 °С : نۇر-سۇلتان
-3 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

ءۇش ميلليون قازاقستاندىق سۇيەك ءتىنى السىرەۋىنەن زارداپ شەگەدى - ساراپشى

17 قازان 16:50
:ءبولىسۋ
ءۇش ميلليون قازاقستاندىق سۇيەك ءتىنى السىرەۋىنەن زارداپ شەگەدى - ساراپشى

الماتى. قازاقپارات - الماتىدا بۇكىلالەمدىك وستەوپوروزبەن كۇرەسۋ كۇنىنە وراي باسپا ءسوز كونفەرەنتسياسى ءوتتى. تاعام تانۋ مەن دەنساۋلىق ساقتاۋ سالاسىنىڭ ساراپشىلارى وستەوپوروز دەرتىنىڭ تارالۋى كورسەتكىشتەرىن تالقىلادى، دەپ حابارلايدى قازاقپارات ءتىلشىسى.

وستەوپوروز - سۇيەك قاڭقاسىنىڭ السىرەۋى سالدارىنان سۇيەك سىنعىشتىعىنا اكەلەتىن سوزىلمالى جۇيەلى اۋرۋ. حالىقارالىق وستەوپوروز قورىنىڭ مالىمەتى بويىنشا، ءار 3 سەكۋند سايىن الەمدە وستەوپوروز سالدارىنان سۇيەك سىنادى. ال 50 جاستان كەيىن ءاربىر ەكىنشى ايەل جانە ءاربىر بەسىنشى ەر ادام زارداپ شەگىپ، ءومىرىنىڭ سوڭىنا دەيىن سۇيەك سىنۋى دياگنوزىمەن ءومىر سۇرەدى.

ەڭ قاۋىپتىسى بۇل دەرت جامباس مويىنىنىڭ سىنۋىنا اكەلەدى جانە ادام قازاعا ۇشىراۋى مۇمكىن. جامباس مويىنى سىنۋىنىڭ سالدارىنان بولاتىن ءولىمنىڭ جالپى الەمدىك كورسەتكىشى (%20) ءبىرقاتار ەلدەردە ءوسىپ كەلەدى.

«ءۇش ميلليون قازاقستاندىق سۇيەك ءتىنى السىرەۋىنەن زارداپ شەگەدى. وستەوپوروز ىندەتىنىڭ ءوسىمى 2012 -جىلدان بەرى 8 ەسە ءوستى. بۇل ءوسىم ادامداردىڭ قازىرگى زاماندا تاماقتانۋ راتسيونىنىڭ وزگەرۋىنە بايلانىستى. كالتسيدىڭ تاۋلىكتىك قاجەتتىلىگى ءار ءتۇرلى جاستا 400 بەن 1300 گرامم اراسىندا بولعانىمەن، قازاقستاندىقتار اراسىندا قۇرامىندا كالتسيي بار، اسىرەسە ءسۇتتى جانە اشىعان ءسۇت ونىمدەرىن پايدالانباۋ كەڭىنەن تارالعان. بالالار اراسىنداعى تاۋلىكتىك تۇتىنۋ ۇلەسى %25-30- دى قۇرايدى» ، - دەيدى ق ر دارىگەرلەر قاۋىمداستىعىنىڭ ءتورايىمى گۇلجان عابدۋللينا.

عالىمدار بالا كەزدەن باستالاتىن تەڭدەستىرىلگەن تاماقتانۋ راتسيونىنىڭ بولماۋى وستەوپوروز دامۋىنىڭ باستى سەبەبى دەپ اتايدى. ساراپشىلار وستەوپوروزدىڭ الدىن الۋ ماقساتىندا بالالار مەن ۇلكەندەرگە ارنالعان دۇرىس تاماقتانۋ بويىنشا ءوز كەڭەستەرىمەن ءبولىستى.

«بۇكىل الەمدىك دەنساۋلىق ساقتاۋ ۇيىمىنىڭ اقپاراتى بويىنشا الەمدەگى ءولىمنىڭ %60 ى جانە دەرتتەردىڭ %80 ى دۇرىس تاماقتانباۋعا بايلانىستى. كالتسيدىڭ الماسۋى مەن ءسىڭۋى اعزانىڭ اقۋىز بەن ا دارۋمەنىمەن قامتاماسىز ەتىلۋىنە بايلانىستى. وكىنىشكە وراي، ءبىز ق ر تۇرعىندارىنىڭ تاماقتانۋ ادەبىنىڭ بۇزىلۋىن بايقاپ كەلەمىز. سالدارىنان دەنساۋلىق ناشارلايدى. ءاربىر ادامنىڭ راتسيونىندا ماكرو جانە ميكرو ەلەمەنتتەرگە، لاكتو جانە بيفيدوباكتەريالارعا تولى ءسۇت پەن ء«تىرى اشىمال ءسۇت» ونىمدەرى بولۋى ءتيىس» ، - دەدى قازاق تاعامتانۋ اكادەمياسى مەن ۇلتتىق سالاۋاتتى تاعامتانۋ ورتالىعىنىڭ پرەزيدەنتى تورەگەلدى شارمانوۆ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات