+7 (701) 759 90 19
-1 °С : نۇر-سۇلتان
5 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

قازاقستاندا بەنزين باعاسى ءوسۋى مۇمكىن بە

17 قازان 16:27
:ءبولىسۋ
قازاقستاندا بەنزين باعاسى ءوسۋى مۇمكىن بە

نۇر- سۇلتان. قازاقپارات - قازاقستاندا بەنزينگە اكسيز كوتەرىلۋى مۇمكىن. بۇل تۋرالى ق ر ۇلتتىق ەكونوميكا ءمينيسترى رۋسلان دالەنوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىندە بەنزيننىڭ ءاربىر ليترىندە اكسيز بار، ونىڭ سوماسى - 8 تەڭگە. قازىرگى كەزدە اكسيزدى تاعى 10 تەڭگەگە كوتەرۋ تالقىلانىپ وتىر. بۇل قادام نە ءۇشىن ۇسىنىلىپ وتىر؟ وزدەرىڭىز بىلەسىزدەر، بيۋدجەتتىك شىعىستار ەلەۋلى كولەمدە ءوستى، ونىڭ ىشىندە الەۋمەتتىك مىندەتتەمەلەر ارتتى. رەسپۋبليكالىق بيۋدجەتتە الەۋمەتتىك سالاعا ارنالعان شىعىستار 45 پايىزدان استى. بۇل تۇرعىدا بيۋدجەتتىك كونسوليداتسيا قاجەتتىگى بار، ونىڭ ىشىندە اكسيزدەردىڭ فيسكالدى قىزمەتى ارقىلى. قاۋلىنىڭ جوباسى قازىر بۇقارادا تالقىلانۋدا، وسى ورايدا ءتۇرلى ۇسىنىستار جاسالىپ جاتىر»، - دەدى رۋسلان دالەنوۆ سەناتتا تىلشىلەر ساۋالىنا جاۋاپ بەرە وتىرىپ.

ونىڭ سوزىنە قاراعاندا، اكسيزدى ارتتىرۋدىڭ الدىن الا داتاسى بيىلعى جىلدىڭ 1 - جەلتوقسانىنا جوسپارلانىپ وتىر. بۇگىندە اي-92 بەنزينىنىڭ ليترى شامامەن 150 تەڭگە، كەي جەرلەردە 149-152 تەڭگە ارالىعىندا.

«اكسيزدىڭ ستاۆكاسى تەك 8 تەڭگە، كورشىلەس ەلدەرمەن سالىستىرعاندا بۇل كورسەتكىش وتە تومەن. شەتەلدە بەنزيننىڭ جارتى قۇنىن اكسيز قۇرايدى. بىزدە اتالعان ۇسىنىس ءالى دە تالقىلاۋ بارىسىندا»، - دەدى مينيستر.

ۆەدومستۆو باسشىسى اتالعان ۇسىنىسقا بايلانىستى بەنزين باعاسىنىڭ ءوسۋى مۇمكىندىگىنە پىكىر ءبىلدىردى.

«ەگەر دە اكسيز قوسىلسا، بەنزين التى پايىزعا قىمباتتايدى دەپ ويلايمىن. ال ەگەر سول دەڭگەيدە قالسا، بۇرىنعى باعا ساقتالادى. شامامەن 10 تەڭگەگە قىمباتتاۋى ىقتيمال»، - دەدى رۋسلان دالەنوۆ.

اۆتور رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات