ەڭ بيىك نۇكتە: كيم چەن ىن قاسيەتتى تاۋدى اتپەن باعىندىردى

نۇر-سۇلتان. قازاقپارات - سولتۇستىك كورەيانىڭ كوشباسشىسى كيم چەن ىن قاسيەتتى پەكتۋسان تاۋىنا كوتەرىلدى، دەپ حابارلايدى كورەيانىڭ ورتالىق تەلەگراف اگەنتتىگى.

ك ح د ر باسشىسى قاسيەتتى پەكتۋسان تاۋىنىڭ قارلى شىڭىن اتپەن باعىندىردى. ءبىر كۇن بۇرىن العاشقى قار جاۋعان كورەي تۇبەگىنىڭ ەڭ بيىك نۇكتەسىنە بارار جولدا كيم چەن ىندى جوعارى لاۋازىمدى تۇلعالار دا ەرتىپ ءجۇردى. «كيم چەن ىننىڭ پەكتۋسان تاۋىنا جورىعى - بۇل ەل تاريحىنداعى ۇلكەن جانە ايتۋلى وقيعا» ، - دەدى اگەنتتىك.

باسىلىم ك ح د ر باسشىسىنىڭ ەرىك- جىگەرىنىڭ بەرىكتىگىن سيمۆولدىق تۇردە پەكتۋسان تاۋىمەن سالىستىردى.

كيم چەن ىن - بۇل لاۋازىمعا اكەسى كيم چەن يردىڭ ورنىنا كەلگەن 2011 -جىلدان بەرگى ك ح د ر- دىڭ ەڭ جوعارى باسشىسى. 2016 -جىلدان باستاپ ك ح د ر مەملەكەتتىك كەڭەسىنىڭ ءتوراعاسى قىزمەتىن دە اتقارىپ كەلەدى.

2013 -جىلى Forbes جۋرنالى ەڭ ىقپالدى كارىستەردىڭ تىزىمىندە ءۇشىنشى جانە الەمدەگى ەڭ ىقپالدى ادامدار تىزىمىندە 46- ورىندى يەمدەندى.

ءوزىنىڭ تاڭقالارلىق اسەرىمەن جانە باسقارۋدىڭ ديكتاتورلىق فورماسىمەن تانىمال. سولتۇستىك كورەيادا كيم چەن ىن ادامداردىڭ ءومىرىن جاقسى جاققا وزگەرتكەن ۇلى رەفورماتور دەپ سانالادى.

پەكتۋسان نەمەسە بايتوۋشان - بۇل ك ح د ر مەن ق ح ر شەكاراسىنداعى بەلسەندى جانارتاۋ. تاۋدىڭ بيىكتىگى 2744 مەترگە جەتەدى. بۇل مانچجۋرو- كورەي تاۋلارىنىڭ، سونداي- اق بۇكىل كورەيا تۇبەگىنىڭ ەڭ بيىك نۇكتەسى.