كەشە ۇلتتىق كەڭەس اياسىندا بىرنەشە ءىس- شارا ءوتتى
«كۇن تارتىبىندە شاعىن جانە ورتا بيزنەس، جەر رەفورماسى جانە كۆازيمەملەكەتتىك سەكتوردى جەتىلدىرۋ ماسەلەلەرى قارالدى. وتىرىسقا قارجى، ۇلتتىق ەكونوميكا، اۋىل شارۋاشىلىعى مينيسترلىكتەرى جانە «سامۇرىق- قازىنا» ۇلتتىق ءال-اۋقات قورى، «بايتەرەك» جانە «قازاگرو» ۇلتتىق كومپانيالارى، سونداي-اق «اتامەكەن» ۇ ك پ وكىلدەرى قاتىستى»، دەپ جازدى ەرلان قارين Telegram-داعى پاراقشاسىندا.
«ۇكىمەت ۇيىندە» ۆيتسە-پرەمەر بەردىبەك ساپاربايەۆ ۇلتتىق كەڭەستىڭ جۇمىس توبى مۇشەلەرىنىڭ الەۋمەتتىك- مادەني ماسەلەلەر بويىنشا ۇسىنىستارىن قاراستىردى. ادامي كاپيتال، ءبىلىم بەرۋ، دەنساۋلىق ساقتاۋ جانە مادەنيەتتى دامىتۋ ماسەلەلەرى تالقىلاندى.
وسىنداي كەزدەسۋلەردىڭ ارقاسىندا قوعام مەن مەملەكەتتىك ورگاندار دامىتۋدىڭ وزەكتى ماسەلەلەرى بويىنشا پىكىر الماسادى جانە ۇستانىم جاقىنداستىعىن قالىپتاستىرادى. كوپتەگەن ماسەلە بويىنشا ءبىرىڭعاي تۇسىنىك قالىپتاستىرىلادى.