بالاسىنا ەكپە سالدىرماعان اتا- اناعا جاۋاپكەرشىلىك قاراستىرىلا ما - مينيستر جاۋاپ بەردى
بۇل تۋرالى ق ر دەنساۋلىق ساقتاۋ ءمينيسترى ءبىرجان ەلتانوۆ ايتتى، دەپ حابارلايدى قازاقپارات ءتىلشىسى.
«بۇل وتە ماڭىزدى ماسەلە، كوپ جىلدان بەرى تالقىلاپ كەلە جاتىرمىز. اسىرەسە، ەكى جىلدىڭ ىشىندە حالىقپەن كوپ تالقىلاۋ بولدى. قازىرگى ۋاقىتتا كودەكستىڭ جاڭا جوباسىنا وسىنداي ۇسىنىس ەنگىزىپ وتىرمىز. ارينە، بۇل ماسەلە تەك وسى نورمامەن شەشىلمەيدى. وكىنىشكە وراي، ەكپەدەن باس تارتقان اتا- انالاردىڭ سانى كوبەيىپ تۇر. شىندىعىن ايتۋ كەرەك، قازىرگى ۋاقىتتا حالىقتىڭ دەنساۋلىعىنا، ەكولوگياعا بايلانىستى مەديتسينالىق قارسى كورسەتىلىم سانى ارتىپ كەلەدى. وعان ءتۇرلى اللەرگيالار سەبەپ. ول بالالاردى دا ويلاۋمىز كەرەك. نيەۆرولوگيالىق ناۋقاس بالالارعا دا ەكپە سالىنبايدى»، - دەدى ەلجان ءبىرتانوۆ.
ونىڭ دەرەگىنشە، قىزىلشامەن ەڭ كوپ اۋىرعان بالالاردىڭ، سونداي-اق وكىنىشكە وراي قازا تاپقان بالالاردىڭ كوپشىلىگى ەكپە سالدىرماعان.
«بىرىنشىدەن، اتا-انالار بالالارىنىڭ دەنساۋلىعىن ويلاۋى ءتيىس. ەكىنشىدەن، باسقا دا بالالاردىڭ، ازاماتتاردىڭ دەنساۋلىعى ءۇشىن (ەكپە سالدىرماعان بالالاردى مەكتەپكە دەيىنگى ۇيىمعا جىبەرۋدەن) باس تارتۋىمىز قاجەت»، - دەدى ول
ءمينيستردىڭ ايتۋىنشا، جاڭا كودەكستە بالاسىنا ەكپە سالدىرماعان اتا-انالارعا اكىمشىلىك جاۋاپكەرشىلىك قاراستىرىلماعان.
اۆتور: مارلان جيەمباي