+7 (701) 759 90 19
-4 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

تارازدا حالىقارالىق «اسپارا ءسان اپتالىعى» وتۋدە

17 قازان 12:56
:ءبولىسۋ
تارازدا حالىقارالىق «اسپارا ءسان اپتالىعى» وتۋدە

تاراز. قازاقپارات - تارازدا «اسپارا fashion week» ءسان اپتالىعى باستالدى.

حالىقارالىق دەڭگەيدەگى كورسەتىلىمگە كورشىلەس قىرعىز، تاجىك مەملەكەتىنىڭ ديزاينەرلەرىمەن قاتار الەمدىك برەندتەرىمەن تانىمال يتاليا، رەسەي جانە بولگاريا ەلدەرىنەن ارنايى مەيماندار شاقىرتىلعان، دەپ حابارلايدى قازاقپارات ءتىلشىسى.

وسىمەن 4- جىل قاتارىنان ءوتىپ جاتقان اپتالىق وتاندىق ديزاينەرلەرگە حالىقارالىق ارەنادا ءوز ونىمدەرىن جارنامالاۋعا مۇمكىندىك بەرمەك.

اپتالىقتا ەۋروپا مەن ازيا ەلدەرىنەن 20 عا جۋىق ديزاينەردىڭ تۋىندىلارى ۇسىنىلاتىن بولادى. كورسەتىلىمگە جەڭىل ونەركاسىپتىڭ دامۋىنا قىزىعۋشىلىق تانىتاتىن ماماندار، ونىڭ ىشىندە الىس- جاقىن شەت ەلدەن ارنايى قوناقتار كەلگەن. ولار مۇنداي مادەني كەش شەبەردىڭ شىعارماشىلىعىن شىڭداپ، ءار ديزاينەردى جاڭا يدەيالارعا شابىتتاندىرادى دەيدى.

«مەن قازاقستانعا ءجيى كەلەمىن. ويتكەنى مۇنداعى ديزاينەرلەرمەن تىعىز قارىم-قاتىناستامىن. ءوزارا تاجىريبە الماسىپ وتىرامىز. قازاقتىڭ ۇلتتىق كيىمدەرىنە قىزىعۋشىلىعىمىز بار. وندا ۇلتتىق ناقىشتاعى ويۋلار ەرەكشە اسەر بەرىپ تۇرادى»، - دەيدى يتاليادان ارنايى كەلگەن، «ميلانو» ءسان ءۇيىنىڭ ديرەكتورى مارياننا ميچەلي.



شارا بارىسىندا قازاقستاندىق ديزاينەرلەر نەوفولكلور ستيلىندەگى توپتامالاردى تانىستىردى. قوناققا، بالالارعا، كۇندەلىكتى دەپ بولىنگەن كيىمدەردىڭ كوپشىلىگى قازاقي ناقىشتا جاسالعان. سەبەبى، تالعامى بيىك تۇتىنۋشىلاردىڭ قىزىعۋشىلىعى قازىر وسى باعىتقا اۋعان. قولونەرشىلەر، تىپتەن ءداستۇرلى برەندتەرىمىز شەت ەلگە ساتىلىمعا جىبەرىلەتىنىن ايتادى.

«مۇنداعى كويلەكتەر ءوزىمىزدىڭ ديزاينەرلەردىڭ قولىنان شىققان دۇنيەلەر. قازىر ەلىمىزدە ءسان سالاسىندا جۇرگەندەردىڭ باسىم بولىگى ۇلتتىق ناقىشتاعى كيىمدەردى تىگەدى. ويتكەنى، قوعامنىڭ وزىندە ويۋلى-ورنەكتى، كەستەلى كيىمدەر سۇرانىسقا يە»، - دەدى «اسىل- ديزاين» ءسان ءۇيىنىڭ باس ديزاينەرى ايدارحان قاليەۆ.


ءسان اپتالىعى اياسىندا قوناقتار كونە شاھاردىڭ كەرەمەت جەرلەرىنە ساياحاتتايدى. ۇيىمداستىرۋشىلار تاراپىنان ءتۋريزىمدى دامىتۋ ماقساتىندا مۇنان وزگە دە كوپتەگەن مادەني ءىس-شارالار وتكىزۋ جوسپارلانعان.


اۆتور: عيبرات سەمباي


باستى سوزدەر: الةم, ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات