تۇركىستان وبلىسىندا ءتاۋىپتى بوپسالاعاندار ۇستالدى

تۇركىستان. قازاقپارات - تۇركىستان وبلىسىندا پوليتسەيلەر ءتاۋىپ پەن پەن ويىنحانا ەسەپشىسىن بوپسالاعانداردى ۇستادى، دەپ حابارلايدى قازاقپارات وبلىستىق پوليتسيا دەپارتامەنتىنە سىلتەمە جاساپ.

ماقتارال اۋداندىق پوليتسيا بولىمىنە ادامدارعا دەم سالاتىن كىسى ارىزدانادى. وعان بەلگىسىز ادامدار كەلىپ، دەم سالدىرىپ بولعان سوڭ، «ليتسەنزياڭ جوق» دەپ قوقان-لوققى كورسەتكەن. 3 ەر ادام ەمشىگە كەلىپ، بىرەۋىنىڭ مازاسى بولماي جۇرگەنىن ايتىپ دەم سالدىرادى. سودان كەيىن اقىسى ءۇشىن تاۋىپكە 10 مىڭ تەڭگە بەرەدى. ال، دەم سالۋشى 2000 تەڭگە الىپ، قالعان اقشانى قايتارىپ بەرەدى. ءدال وسى ءساتتى كەلگەندەر كامەراعا ءتۇسىرىپ الىپ، اتالمىش ۆيدەو ارقىلى ءتاۋىپتى قورقىتا باستايدى.

«سەنىڭ ەمشى دەگەن ليتسەنزياڭ جوق، زاڭسىز جۇمىس ىستەپ ءجۇرسىڭ، ءبىز قۇقىق قورعاۋ ورگاندارىنان تەكسەرىپ جۇرگەن ادامدارمىز. 100 مىڭ تەڭگە بەرسەڭ، ءىستى جابامىز»، - دەپ بوپسالايدى. ءبىراق، ءتاۋىپ ەشقاندايدا اقشا بەرمەي، ولار كەتىسىمەن پوليتسياعا ارىزدانادى.

سونداي-اق، ماقتارال اۋداندىق پ ب-نا كاسىپكەر ارىزدانادى. ول بۋكمەكەرلىك كەڭسەسىندە ەسەپشىسىنەن بىرەۋلەردىڭ اقشا تالاپ ەتىپ، قوقان-لوققى كورسەتكەنىن ايتقان.

پوليتسەيلەردىڭ انىقتاۋىنشا، بەلگىسىز 3 ادام ويىنحاناعا باسا-كوكتەپ كىرىپ، ار-نامىسقا تيەتىن سوزدەر ايتىپ، نەگىزسىز جالا جاۋىپ «سەندەر زاڭسىز جۇمىس جاساپ جاتىرسىڭدار» دەپ كاسسا قىزمەتكەرىنەن 200 مىڭ تەڭگە تالاپ ەتكەن. الايدا، ول جەردەن ەشنارسە الا الماعاندىقتان، قاشىپ كەتكەن.

اتالعان 2 دەرەك ق ر ق ك-نىڭ 194-بابى «قورقىتىپ الۋ» بويىنشا تىركەلىپ، سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە ەنگىزىلدى. پوليتسەيلەر 3 كۇدىكتىنىڭ اتى-ءجونىن انىقتادى، ولار جەتىساي قالاسىنىڭ تۇرعىندارى بولىپ شىقتى. وسىلايشا جەتىساي مەن ماقتارال اۋداندىق پوليتسيا قىزمەتكەرلەرى بىرلەسىپ، جەتىسايدان كۇدىكتىلەردى ۇستادى. قازىرگى تاڭدا كۇدىكتىلەر جەتىساي قالاسىندا ۋاقىتشا يزولياتورعا قامالدى.

تەرگەۋ بارىسىندا كۇدىكتىلەردىڭ بۇدان باسقا جەتىساي قالاسىنداعى 3 ىسكە قاتىستىلىعى انىقتالدى.