+7 (701) 759 90 19
-8 °С : نۇر-سۇلتان
-2 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

الماتى ورتالىعىندا جانتۇرشىگەرلىك جول اپاتىنان ەكى ادام مەرت بولدى

17 قازان 11:17
:ءبولىسۋ
الماتى ورتالىعىندا جانتۇرشىگەرلىك جول اپاتىنان ەكى ادام مەرت بولدى

الماتى. قازاقپارات - الماتىنىڭ ورتالىعىندا بولعان 4 كولىك سوعىلعان جول اپاتىنان ەكى ادام كوز جۇمدى، دەپ حابارلايدى قازاقپارات ءتىلشىسى.

جول اپاتى تۇنگى ساعات 01:40 تا الماتىنىڭ المالى اۋدانىندا بولدى. 1999 -جىلعى الماتى وبلىسىنىڭ تۇرعىنى BMW اۆتوكولىگىن ماس كۇيدە جۇرگىزگەن. ول سەيفۋللين داڭعىلىنىڭ بويىمەن بوگەنباي باتىر كوشەسىنىڭ قيىلىسىندا باعدارشامنىڭ قىزىل تۇسىنە ءوتىپ كەتكەن. وسى كەزدە بوگەنباي كوشەسىمەن باتىس باعىتتا Audi ماركالى اۆتوموبيل كەتىپ بارا جاتقان. BMW بار جىلدامدىعىمەن كەلىپ Audi كولىگىنە سوقتىعىسادى. سوققى سالدارىنان Audi كوشە بويىنداعى باعاناعا جانە اعاشقا سوعىلادى. ارى قاراي بارىپ Subaru Forester جانە Toyota Carina كولىكتەرىن سوققان.

جول-كولىك وقيعاسى سالدارىنان 1992 جانە 1993 -جىلى تۋعان ەكى ادام ( Audi جولاۋشىلارى) وقيعا ورنىندا كوز جۇمدى. ءارتۇرلى دەنە جاراقاتىن العان التى ادام اۋرۋحاناعا جەتكىزىلدى.

«بۇل فاكت ق ر ق ك-نىڭ 345-بابى 4-بولىگى بويىنشا، سوتقا دەيىنگى تەرگەۋدىڭ ءبىرىڭعاي تىزىلىمىندە ەنگىزىلدى. BMW جۇرگىزۋشىسى دەرەۋ ۇستالىپ، ۋاقىتشا ۇستاۋ يزولياتورىنا قامالدى. اتالعان قىلمىستىق ءىستىڭ ماتەريالدارىن الماتى قالالىق پد تەرگەۋ باسقارماسى وندىرىسكە قابىلدادى»، - دەپ حابارلادى الماتى قالالىق پوليتسيا دەپارتامەنتى.

اۆتور: الما مۇقانوۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات