قازاقستاندا زەينەتاقى شوتىنداعى قاراجاتقا پاتەر ساتىپ الۋعا بولا ما؟
وسىلاي دەگەن دەپۋتاتتار كەشە پرەمەر-مينيسترگە ساۋال جولداپ، تۇرعىن ءۇي قۇرىلىسى ماسەلەسىن رەتتەيتىن رەزەرۆتىك قور قۇرۋدى ۇسىندى.
ويتكەنى كوبىنىڭ جيناعان زەينەتاقى قورداعى اقشاسى ءبىر ميلليون تەڭگەدەن اسپايدى.
دەپۋتاتتىق ساۋال جولداعان ايقىن قوڭىروۆ سينگاپۋرلىق ءادىستى ۇسىندى. قوڭىروۆتىڭ ايتۋىنشا، وندا تۇرعىن ءۇي، مەديتسينالىق ساقتاندىرۋ، وقۋ جانە زەينەتاقى جيناقتارىنىڭ بارلىعى ءبىر جۇيەگە ەنگىزىلگەن. جيناقتاردى ورتالىقتاندىرىلعان رەزەرۆتىك قور باسقارىپ، حالىقتىڭ الەۋمەتتىك قاجەتتىلىگىن شەشۋگە جۇمسالادى، دەيدى.
دەپۋتاتتىڭ سوزىنشە، سينگاپۋرلىقتاردىڭ 80 پايىزى وسى قوردىڭ كومەگىمەن تۇرعىزىلعان پاتەرلەردە تۇرىپ جاتىر.
«وندا مەملەكەت قارجىلاي جوسپارلاۋدى ءوز موينىنا الادى. سوندا سالىمشى زەينەتاقىسىز دا قالمايدى، پاتەر دە ساتىپ الادى. قۇرىلىس جۇمىستارىن جۇرگىزۋدى وسىلايشا ورتالىقتاندىرىلعان ينۆەستيتسيانىڭ كومەگىمەن شەشۋگە بولادى»، - دەيدى ءماجىلىس دەپۋتاتى ايقىن قوڭىروۆ.
بۇل تۋرالى 31-ارنا حابارلايدى.