تارازدىق پوليتسەيلەر ءۇش ايلىق رەيدكە شىقتى

تاراز. قازاقپارات - تارازدا «ۋچاسكە» جەدەل الدىن الۋ شاراسى وتكىزىلۋدە، دەپ حابارلايدى قازاقپارات ءتىلشىسى.

قالاداعى جەدەل جاعدايدى تۇراقتاندىرۋ، ۋچاسكەلىك پوليتسيا ينسپەكتورلارىنىڭ حالىق اراسىندا بەدەلىن ارتتىرۋ، ازاماتتاردىڭ قاۋىپسىزدىگىن قامتاماسىز ەتۋ جانە قوعامدىق ءتارتىپتى ساقتاۋ ماقساتىنا نەگىزدەلگەن رەيد اعىمداعى جىلدىڭ 15 -قىركۇيەگىندە باستالعان. ءبىر اي ىشىندە تارازدىق ۋچاسكەلىك ينسپەكتورلار 75800 پاتەر مەن جەكە ۇيلەردى بارلاپ، زاڭسىز جالعا بەرىلىپ كەلگەن 18 پاتەردى انىقتادى. سونداي-اق، اكىمشىلىك جاۋاپكەرشىلىككە 3 مىڭنان استام ادام تارتىلدى.

«پوليتسيادا ەسەپتە تۇرعان 2800 دەن استام ادام تەكسەرىلىپ، 237 ادام ءى ءى و- عا ەسەپكە الىندى. تەكسەرىلگەن 1510 ازاماتتىق قارۋ يەلەرىنىڭ 34 ى اكىمشىلىك جاۋاپكەرشىلىككە تارتىلدى. ءىس-شارا بارىسىندا ۋچاسكەلىك پوليتسيا ينسپەكتورلارى 18 قىلمىس پەن 14 قۇقىقبۇزۋشىلىقتى اشتى»، - دەدى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

ايتا كەتەيىك، «ۋچاسكە» جەدەل الدىن الۋ شاراسى 10 -جەلتوقسانعا دەيىن جالعاسادى.

اۆتور: عيبرات سەمباي