+7 (701) 759 90 19
-4 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قانات يسلام الماتىدا اشىق جاتتىعۋ وتكىزدى

17 قازان 09:10
:ءبولىسۋ
قانات يسلام الماتىدا اشىق جاتتىعۋ وتكىزدى

الماتى. قازاقپارات - قازاقستاندىق كاسىپقوي بوكسشى قانات يسلام WBO چەمپيونى دەمەتريۋس اندرادەمەن جەكپە- جەك وتكىزۋدى جوسپارلاۋدا، دەپ حابارلايدى قازاقپارات.

ق. يسلام الداعى ايقاسى الدىندا الماتىدا اشىق جاتتىعۋ وتكىزدى.

«ءوزىمدى جاقسى سەزىنەمىن. ءوز وتانىمدا كەزەكتى رەت ونەر كورسەتەتىنىمە باقىتتىمىن. جانكۇيەرلەرىمدى كورگەنىمە قۋانىشتىمىن. ولاردىڭ قولداۋى مەن ءۇشىن ماڭىزدى. جەكپە- جەككە تولىعىمەن دايىنمىن. قارسىلاسىم جاقىن ۋاقىتتا كەلەدى. ءيا، ول مىقتى بوكسشى. ءبىراق مەن كوڭىلىمدى ءبىرىنشى كەزەكتە وزىمە بولەمىن. نە بولارىن كورەمىز»، - دەدى ول.



بوكسشى سونداي-اق الداعى جوسپارلارى تۋرالى ايتتى.

«ءبىرقاتار ەلدەن كوپتەگەن ۇسىنىستار ءتۇسىپ جاتىر. قازىر ولاردى قاراستىرۋدامىز. قازاقستاندا ەكى ايقاس وتكىزۋدى شەشتىك. بۇل، دەنە دايارلىعىمدى قالىپتى فورماعا كەلتىرۋگە سەپتىگىن تيگىزەدى. وسىدان كەيىن ۇلكەن قارسىلاستارعا دايىن بولامىن. اندرادەمەن جەكپە- جەك وتكىزگىم كەلە مە؟ نەلىكتەن بولماسقا؟! بۇل - مەنىڭ ماقساتىم جانە مەن سوعان قاراي جىلجىپ كەلەمىن»، - دەپ قوستى سپورتشى.


ايتا كەتەيىك، بۇعان دەيىن قانات يسلام ۋولتەر كاۋتوندوكۆامەن جەكپە-جەككە ارنالعان باسپا ءسوز ءماسليحاتىندا گەننادي گولوۆكيندى جەڭگەن مەكسيكالىق ساۋل الۆارەسپەن ايقاسقا دايىن ەكەندىگىن مالىمدەگەن بولاتىن.

اشىق اسپان استىنداعى جاتتىعۋعا ق. يسلاممەن بىرگە الماتىداعى كەشتىڭ اندەركاردىندا شىعاتىن رۋسلان مىرساتايەۆ، ارمان رىسبەك، اسقار ەرۋبەك جانە بەكسۇلتان راۋشانوۆ قاتىستى.

شاراعا بوكسۇيەر قاۋىمنىڭ قاراسى كوپ جينالدى. ولار سپورتشىلارمەن سۋرەتكە ءتۇسىپ، قولتاڭبالارىن الدى.

ەسكە سالايىق، 26 -قازان كۇنى الماتىداعى ب. شولاق اتىنداعى سپورت جانە مادەنيەت سارايىندا كاسىپقوي بوكس كەشى وتەدى. ونىڭ باستى ايقاسىندا قانات يسلام (26-0، 21 ك و) امەريكالىق ۋولتەر كاۋتوندوكۆامەن (18-1، 17 ك و) كەزدەسەدى. ولار قازىرگى ۋاقىتتا قازاقستاندىق بوكسشىعا تيەسىلى ءبىرىنشى ورتا سالماقتاعى WBO International تيتۋلىن ساراپقا سالادى.

بۇگىنگى كۇنى ۋولتەر كاۋتوندوكۆا WBO نۇسقاسى بويىنشا توپ-10 بوكسشىنىڭ اراسىندا 9-ورىنعا ورنالاسقان.

كەش بارىسىندا قازاقستان، ا ق ش، قىتاي جانە ەۋروپا وكىلدەرىنىڭ قاتىسۋىمەن بارلىعى 9-ايقاس وتكىزىلەدى. QP TV تۇڭعىش قازاقستاندىق ستريمينگتىك پلاتفورماسى الەمنىڭ 150 ەلىنە تىكەلەي ەفير تاراتاتىن بولادى.

بيلەتتەردىڭ ساتىلىمى باستالدى.

اۆتور: ميرا تولەندى قىزى


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات