بالاسىنىڭ ەمىنە اقشا جيناپ جاتقان كەلىنشەك الاياققا الداندى

نۇر-سۇلتان. قازاقپارات - ەلوردادا ەر ادام بالاسىنىڭ ەمىنە اقشا جيناپ جاتقان ايەلدى الداپ، 400 مىڭ تەڭگەسىن يەمدەنگەن.بۇل تۋرالى استانا قالالىق سوتىنان ءمالىم ەتتى، دەپ حابارلايدى قازاقپارات.

2018-2019 -جىلدار ارالىعىندا ەر ادام «OLX» سايتىندا جەر ۋچاسكەلەرىن ساتاتىنى جونىندە جالعان حابارلاندىرۋ ورنالاستىرعان. الدانعان ەلوردا تۇرعىندارى وعان جەردىڭ اقشاسىن اۋدارىپ كەلگەن.

سونداي-اق 2019 -جىلدىڭ اقپانىندا ازامات ك. Instagram-دا ناۋقاس بالاعا اقشا جينالىپ جاتقانى تۋرالى جازبانى كورىپ، بالانىڭ اناسىنا حابارلاسقان. ءوزىن جەر كوميتەتىنىڭ قىزمەتكەرى رەتىندە تانىستىرىپ، كومەك كورسەتكىسى كەلەتىنىن جانە جەر ۋچاسكەسىن ايەلدىڭ اتىنا اۋىستىرىپ بەرەتىنىن ايتقان. ال ول جەردى كەيىن ساتىپ، ۇلىنىڭ ەمىن تولەي الاتىنىن جانە جەتكىزگەن.

«پەرزەنتىن ەمدەگىسى كەلگەن ايەل الدانىپ، ۇسىنىسقا كەلىسكەن جانە ءوزىنىڭ تانىسى ارقىلى ك. -عا 400 مىڭ تەڭگە بەرگەن»، - دەدى سوتتان.

№2 -الماتى اۋداندىق سوتىنىڭ ۇكىمىمەن ەر ادام 4 جىلعا باس بوستاندىعىنان ايىرىلدى.

«سوتتىڭ وسى ۇكىمىمەن زارداپ شەككەندەرگە ماتەريالدىق شىعىن رەتىندە 3 ملن تەڭگەدەن استام سوما ءوندىرىپ الىندى»، - دەلىنگەن سوت مالىمەتىندە.

اۆتور: ميرا تولەندى قىزى