+7 (701) 759 90 19
-3 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ەلوردانىڭ بالالار ۇيىندە تەگىن وڭالتۋ توبى اشىلدى

16 قازان 21:39
:ءبولىسۋ
ەلوردانىڭ بالالار ۇيىندە تەگىن وڭالتۋ توبى اشىلدى

نۇر- سۇلتان. قازاقپارات - مامانداندىرىلعان بالالار ۇيىندە« ەرەكشە كۇتىمدى قاجەت ەتەتىن بالالار مەن ولاردىڭ اتا- انالارىنا كومەك كورسەتۋ ماقساتىندا «بوتاقان« جانە «كۇنىم« وڭالتۋ- ساۋىقتىرۋ توپتارى اشىلدى، دەپ حابارلادى ەلوردا اكىمدىگىنىڭ رەسمي سايتى.

بۇگىن نۇر- سۇلتان قالاسى اكىمىنىڭ ورىنباسارى باقتيار ماكەننىڭ قاتىسۋمەن اتالعان وڭالتۋ ورتالىعىنىڭ اشىلۋ سالتاناتى ءوتتى.

«مەملەكەت باسشىسىنىڭ جولداۋىندا ەرەكشە كۇتىمدى قاجەت ەتەتىن جانە قيىن تۇرمىستىق جاعدايىندا قالعان وتباسىلاردا تاربيەلەنىپ جاتقان بالالارعا ەرەكشە نازار اۋدارۋ تۋرالى ايتىلعان. ءبىز قالالىق اكىمدىكتىڭ قوعامدىق دەنساۋلىق ساقتاۋ باسقارماسى جانە «Nur Otan» پارتياسىنىڭ قولداۋىمەن بۇگىن 2 وڭالتۋ ورتالىعىن اشىپ وتىرمىز«، - دەدى مامانداندىرىلعان بالالار ءۇيىنىڭ ديرەكتورى ساۋلە كەنجەبايەۆا.

ورتالىقتا جاڭادان اشىلعان «كۇنىم« توبىنا سال اۋرۋى، داۋن سيندرومى جانە تاعى دا باسقا اۋرۋلار انىقتالعان بالالار قابىلدانادى. ولارعا رەابيليتولوگ، نيەۆروپاتولوگ، پەدياتر، لوگوپەد جانە پسيحولوگ ماماندارى كومەك كورسەتەدى. سونىمەن قاتار باسسەين بار. ال «بوتاقان« دەنى ساۋ، ءبىراق ءتۇرلى قيىن جاعدايلارعا تاپ بولعان بالالار ءۇشىن اشىلدى. ايتا كەتەيىك، وڭالتۋ- ساۋىقتىرۋ ورتالىقتارىنا 1 جاستان 4 جاسقا دەيىنگى بالالارعا تەگىن قىزمەت كورسەتىلەدى. ءار توپقا 15 ءبۇلدىرشىن قابىلدانادى.

«بالاسىن جالعىز تاربيەلەپ جاتقان اكەلەر، كوپ بالالى انالار بار. ءبىز بالالار ءۇيىنىڭ قىزمەتكەرلەرى رەتىندە وسىنداي جاندارعا كومەكتەسكىمىز كەلەدى«، - دەدى كەنجەبايەۆا.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات