+7 (701) 759 90 19
-3 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

شىن ماحاببات سەنىمدى بولادى

16 قازان 22:29
:ءبولىسۋ
شىن ماحاببات سەنىمدى بولادى

نۇر-سۇلتان. قازاقپارات - ساعىنىش ءبۇتىن سەزىمگە ورتاقتاسا الماعان جاندى ەشقاشان ۇمىتپايسىڭ. جان- جۇرەگىڭمەن ءسۇيىپ، بار ىقىلاسىڭمەن قالاعان، ءبىراق قولىڭ جەتپەي قالعان ادامدى ۇمىتۋ استە مۇمكىن ەمەس.

ءاردايىم ونى ەسكە العاندا قاتتى قۇشاقتاماعانىڭا، وتە سيرەك وپكەنىڭە، تىم از بەرگەنىڭە بارماق تىستەيسىڭ. ونى مۇقيات تىڭداماعانىڭا، ءبىر بولا الماعانىڭا، ارتىنان تۇرا جۇگىرمەگەنىڭنەن جۇرەك قان جىلايتىن بولادى. وعان دەگەن العىسىڭ، سۇرايتىن كەشىرىمىڭ ايتىلماعان كۇيى تاماعىڭدا وكسىك بوپ قالا بەرەر.. . سول ءىلتيپاتتىڭ ءبارى جۇرەك تۇكپىرىندە ساقتالادى. ومىرىمىزگە جارىق نۇر سەۋىپ، اپپاق ءىز قالدىرىپ، تاعدىرىمىزعا اينالا الماعان جانداردى ءاردايىم ساعىنىشپەن ەسكە الاتىن بولامىز.. .

* * *

سەن ماعان بۇل ومىردە ءبارى دە وتكىنشى دەۋشى ەڭ.. . ماحاببات ىلعي كۇتپەگەن جەردەن كەلىپ، اياق استىنان جوق بولىپ كەتەدى دەپ ەسەپتەيتىنسىڭ. سەزىم قانشالىقتى تەرەڭ ءارى تۇنىق بولسا دا، ءبىر كۇنى ءتاتتى كۇيگە بولەگەن اپپاق تۇستەي سەيىلىپ كەتەتىنىن ايتۋشى ەڭ.. . تاڭدا تۇراسىڭ دا، ول ءتۇستى ۇمىتاسىڭ دەپ. ەندەشە، مەن سەن ءۇشىن جاي عانا ءتۇس بولا سالايىن.. . تۇسىمدە كوردىم دەپ ەسەپتەگىن.

* * *

شىنايى ماحاببات ادام بويىنداعى ەڭ اسىل قاسيەتى - سەنىمدى بولۋى شىعار. سەنى ساتىپ كەتپەيتىنى، ۇياتقا قالدىرمايتىنى، سەنەن گورى ىڭعايلى، جاقسىراق ادامعا ايىرباستامايتىنىن ءبىلۋ نەتكەن باقىت دەسەڭىزشى! ول جالعىز ءوزىڭدى قاراڭعى، سۋىق بولمەدە قالدىرىپ كەتپەيدى. سەن ونىڭ كومەگى مەن قولداۋىنا ەڭ مۇقتاج ساتتە كوزىڭە تىك قاراپ: «قازىر ۋاقىتىم جوق» دەمەيدى. جىندى كوبەلەك سياقتى ءبىر كۇنگە ۇشىپ كەلىپ، قوناق قىپ كۇتتىرىپ، سوسىن سەزىم ءوشتى دەپ ۇشىپ كەتە سالعىش ماحابباتقا سەنە المايمىن. جۇرەككە ءامىر جۇرمەيدى، ماحاببات ءولدى دەۋشىلەردىكى شىن ماحاببات ەمەس بولار؟ ماحاببات دەگەن قول ۇستاسقان ەكەۋ ءومىر بويى جان دۇنيەسىندە ساقتاپ وتەتىن، جۇرەكتىڭ جىلۋىن وشىرمەيتىن سەزىم. شىن ماحاببات سەنىمدى بولادى. مەنىڭ ومىرىمە كەلگەن ادام جاي قوناققا ەمەس، ماڭگىلىككە كەلگەنىنە سەنىمدى بولعىم كەلەدى. ول مەنى تەك بۇل فانيدە تاۋىپ، باقىتتى قىلىپ قويماي، كەلەسى مىڭ ومىردە دە قاسىمنان تابىلارداي بولسا.. .

ماعان ۋاقىتشا دۇنيەنىڭ ءبارى قىزىق ەمەس، ءبىر ساتكە كەلىپ قۋانتىپ، ارتىنشا كەتىپ جىلاتاتىن، تۇمانداي سەيىلىپ، كوز الدىڭدا جوق بولاتىن سەزىمدى ماحاببات دەۋگە بولا ما؟ تەك ماڭگىلىككە كەلگەن سەزىمدى قادىرلەگىم كەلەدى.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات