قاسىم- جومارت توقايەۆ كورەيا رەسپۋبليكاسىنىڭ ءس ءى م باسشىسىن قابىلدادى
بۇل تۋرالى اقوردانىڭ باسپا ءسوز قىزمەتى حابارلادى.
تاراپتار ەكىجاقتى ستراتەگيالىق سەرىكتەستىكتىڭ قازىرگى احۋالى مەن پەرسپەكتيۆاسى، سونداي- اق، جوعارى دەڭگەيدە جاسالعان ۋاعدالاستىقتاردىڭ جۇزەگە اسۋ بارىسى جايىندا پىكىر الماستى.
مەملەكەت باسشىسى قازاقستان مەن وڭتۇستىك كورەيا اراسىنداعى ساۋدا- ينۆەستيتسيالىق جانە تەحنولوگيالىق قارىم- قاتىناستاردىڭ، سونىمەن قاتار، مادەني- گۋمانيتارلىق بايلانىستاردىڭ قارقىنى جوعارى ەكەنىن اتاپ ءوتتى.
- پرەزيدەنت مۋن چجە يننىڭ ءساۋىر ايىنداعى ساپارى وتە جەمىستى بولدى. ساپار بارىسىندا قول قويىلعان «سامال جەل» باعدارلاماسى ەكى ەل اراسىنداعى ىنتىماقتاستىقتىڭ دامۋىنا تىڭ سەرپىن بەرەدى دەپ سانايمىز. ءبىز ەكونوميكا جانە بيزنەس سالالارى بويىنشا ىقپالداستىقتى ودان ءارى ارتتىرا بەرۋگە نيەتتىمىز، - دەدى قاسىم- جومارت توقايەۆ.
ءوز كەزەگىندە وڭتۇستىك كورەيالىق ديپلومات ءوز ەلىنىڭ پرەزيدەنتى مۋن چجە يننىڭ سالەمىن جەتكىزىپ، قازاقستانمەن سەرىكتەستىكتى ەكىجاقتى، سونداي- اق، وڭىرلىك نەگىزدە دە ءارى قاراي دامىتۋعا دايىن ەكەندەرىن راستادى.
- كەلەسى جىلى ءبىزدىڭ ەلىمىزگە جاسايتىن ساپارىڭىزدى اسىعا كۇتەمىز. ءبىزدىڭ پرەزيدەنتىمىزدىڭ قازاقستانعا جاساعان ساپارىنىڭ ناتيجەسى وتە جەمىستى بولدى. وسى ساپار اياسىندا قول جەتكىزىلگەن ۋاعدالاستىقتار ءوزارا ىقپالداستىقتى ودان ءارى نىعايتۋدىڭ ناقتى باعىتتارىن ايقىندادى. ونى ەكى مەملەكەتتىڭ ءتيىستى ورگاندارى ءساتتى ىسكە اسىرىپ جاتىر. بارلىق ماسەلە ءوز جولىمەن دامۋدا. ءسىزدىڭ وڭتۇستىك كورەياعا جاسايتىن ساپارىڭىز ىنتىماقتاستىعىمىزدىڭ جاڭا كوكجيەكتەرىن اشادى دەپ سەنەمىز جانە ول ءۇشىن بارلىق كۇش- جىگەرىمىزدى جۇمسايمىز، - دەدى كان گەن حۆا.
