ورالداعى نازاربايەۆ زياتكەرلىك مەكتەبىندە كۇن ستانساسى ىسكە قوسىلدى

ورال. قازاقپارات - ورالداعى فيزيكا- ماتەماتيكالىق باعىتتاعى نازاربايەۆ زياتكەرلىك مەكتەبىندە كۇن ستانساسى ىسكە قوسىلدى، دەپ حابارلايدى قازاقپارات ءتىلشىسى.

مەكتەپ اۋماعىندا «شەلل» كومپانياسى قۋاتى 100 كۆت/ساعات فوتوەلەكترلىك كۇن پانەلدەرىمەن جابدىقتالعان ارنايى تۇراقتار ورناتتى.

فوتوەلەكترلىك ستانسا كۇن ساۋلەسىن فوتوەلەكترلىك مودۋلدەر ارقىلى تۇرلەندىرۋ جولىمەن ەلەكتر قۋاتىن وندىرەدى. بۇلار مەكتەپتىڭ جىلدىق ەنەرگيا تۇتىنۋىنىڭ 20 پايىزىن ۇنەمدەيدى، سونىمەن قاتار ارتىق وندىرىلگەن قۋاتتى قالالىق جەلىگە جىبەرە الادى.

سالتاناتتى جيىنعا «نازاربايەۆ زياتكەرلىك مەكتەپتەرى» د ب ب ۇ باسقارما ءتورايىمى كۇلاش ءشامشيدينوۆا، وبلىس اكىمىنىڭ ءبىرىنشى ورىنباسارى مۇحتار مانكەيەۆ قاتىستى.

«ەلباسىنىڭ تىكەلەي تاپسىرماسىمەن نازاربايەۆ مەكتەپتەرىنىڭ اشىلعانىنا 10 جىل بولدى. وسى مەرزىم ىشىندە ەلىمىزدە 10 مىڭنان استام تۇلەك مەكتەپتەردى ءتامامداسا، سونىڭ 80 پايىزى قازاقستاندىق تەحنيكالىق جانە مەديتسينالىق ۋنيۆەرسيتەتتەردە ءبىلىم الىپ، بىتىرگەندەرى ەڭبەككە ارالاسىپ ۇلگەردى. 300 دەن استام جاستىڭ الدى گارۆارد سىندى الەمنىڭ جەتەكشى ج و و- لارىندا بىلىمدەرىن جەتىلدىرۋدە. «شەلل» كومپانياسىمەن بىرلەسىپ قولعا العان «مەكتەپتەرگە كۇن ەنەرگياسى» ەڭ الدىمەن STEM ءبىلىم بەرۋدى ەنگىزۋ، بالالاردىڭ وسى باستان عىلىممەن اينالىسىپ، ءوز يدەيالارىن جۇزەگە اسىرۋى ءۇشىن كەرەك» ، دەدى ءوز سوزىندە ك. ءشامشيدينوۆا.

مەكتەپتەگى فيزيكا ءپانىنىڭ ءمۇعالىمى ءومىرعالي بەكەشيەۆ جوبانىڭ وقۋشىلاردىڭ جاسىل ەكونوميكا، ەكولوگيا سالاسىنداعى شىعارماشىلىق يدەيالارىنا قوزعاۋ سالاتىنىن جەتكىزدى.

«وقۋشىلارىمىزدىڭ بۇل باعىت بويىنشا جەتىستىكتەرى دە جوق ەمەس. جۋىردا اۆتوبۋس ايالدامالارىندا ەنەرگيانى ۇزدىكسىز پايدالانۋ جۇيەسىن جاساقتاعان مەكتەپ تۇلەگى، نازاربايەۆ ۋنيۆەرسيتەتىنىڭ 1-كۋرس ستۋدەنتى ءازيز تالاپوۆ پاتەنت الدى» ، دەدى ءو. بەكەشيەۆ.

ايتا كەتەيىك، جوبا ەنەرگەتيكا مينيسترلىگى، «شەلل» كومپانياسى جانە «نازاربايەۆ زياتكەرلىك مەكتەپتەرى» دب ب ۇ اراسىنداعى مەموراندۋم اياسىندا ەكىنشى جىل جۇزەگە اسۋدا. «شەلل» كومپانياسىنان كۇن ەنەرگياسىن نۇر- سۇلتان جانە اقتاۋ قالالارىنداعى زياتكەرلىك مەكتەپتەر العان بولاتىن. ال 2020 -جىلى وسىنداي ستانسا الماتى جانە اتىراۋ قالالارىندا پايدا بولماقشى.

سالتاناتتى شارادان كەيىن جاس زياتكەرلەر جاسىل ەنەرگەتيكا، جاساندى ينتەللەكت، بيوتەحنولوگيا سالالارى بويىنشا يدەيالارىمەن تانىستىردى. سونىمەن قاتار بۇل كۇنى المانىڭ كوللەكتسيالىق جانە ينتەنسيۆتى سورتتارى وسەتىن ەكوباقتىڭ نەگىزى قالاندى.