دەنساۋلىق ساقتاۋ ءمينيسترى قازاقستاندىقتارعا تەمەكىنى قويعىزۋدىڭ جاڭا امالىن ۇسىندى

None
None
نۇر-سۇلتان. قازاقپارات - دەنساۋلىق ساقتاۋ ءمينيسترى ەلجان ءبىرتانوۆ زاڭنامالىق تۇرعىدا ەلەكتروندى سيگارەتتەردى تەمەكىلەرگە تەڭەستىرۋدى كوزدەپ وتىر، دەپ حابارلايدى قازاقپارات ءتىلشىسى.

«بۇل ماسەلەنى قۇقىقتىق بازا اياسىندا شەشۋ ءۇشىن زاڭناماعا ءبىرقاتار وزگەرىس ەنگىزۋدى جوسپارلاپ وتىرمىز. ياعني، ەلەكتروندى سيگارەتتەردى، ۆەيپينگتەردى ءداستۇرلى تەمەكىلەرگە تەڭەستىرۋ كەرەك. بىزدە ءداستۇرلى تەمەكىگە دەگەن تالاپ قاتال. مەيرامحانادا، قوعامدىق ورىنداردا تەمەكى شەگۋگە بولمايدى. الايدا بۇل جەردە ماسەلە زاڭنامالىق تۇردە رەتتەلمەگەن جاڭا ونىمدەردە بولىپ تۇر. كۇنى ەرتەڭ مەن پارلامەنتتە زاڭناماعا ەنگىزىلەتىن جاڭا وزگەرىستەردى تانىستىرامىن. ول بويىنشا جوعارىدا اتالعان ونىمدەر قاتاڭ رەتتەلەتىن بولادى»، - دەدى ەلجان ءبىرتانوۆ ەلوردادا ءوتىپ جاتقان ونكولوگياداعى دۇنيەجۇزىلىك كوشباسشىلار سامميتىندە تىلشىلەردىڭ سۇراعىنا جاۋاپ بەرە وتىرىپ.

ەسكە سالا كەتسەك، ەلوردادا كەشە ونكولوگياداعى دۇنيەجۇزىلىك كوشباسشىلار سامميتى باستالعان ەدى. فورۋم جۇمىسىنا حالىقارالىق وبىرعا قارسى وداق (UICC) پرەزيدەنتى، جوعارى مارتەبەلى حانشايىم دينا مايرەد، قازاقستان دەنساۋلىق ساقتاۋ ءمينيسترى ەلجان ءبىرتانوۆ قاتىسۋدا.

ەلباسى نۇرسۇلتان نازاربايەۆ بۇگىن سامميتكە قاتىسۋشىلارعا قۇتتىقتاۋ حات جولدادى.

اۆتور: ايان بەكەن ۇلى

سوڭعى جاڭالىقتار