وڭتۇستىك كورەيادا بالا قاعىپ كەتكەن قازاقستاندىقتىڭ اپكەسى دە سول ەلدە زاڭسىز جۇرگەن

None
None
نۇر-سۇلتان. قازاقپارات - وڭتۇستىك كورەيادا بالا قاعىپ كەتكەن قازاقستاندىقتىڭ اپكەسى دە سول ەلدە زاڭسىز جۇرگەن.

بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«ونىڭ اپكەسى دە كورەيادا زاڭسىز ءجۇرىپ جۇمىس ىستەگەن. ءبىراق، ونىڭ اتالعان وقيعاعا، جول-كولىك اپاتىنا ەش قاتىسى جوق. ءمان-جايدى انىقتاۋ جاس جىگىتتىڭ توڭىرەگىندە جۇرگىزىلۋدە. اپكەسىنىڭ وقيعاعا قاتىسى جوق. ول قازىرگى ۋاقىتتا قازاقستان اۋماعىنا ورالدى جانە ۇيىنە كەتىپ بارادى»، - دەدى ايبەك سمادياروۆ.

ەسكە سالا كەتەيىك، ءبىراز ۋاقىت بۇرىن قازاقستان ازاماتى وڭتۇستىك كورەيادا كىشكەنتاي بالانى قاعىپ، وقيعا ورنىنان ءىزىن سۋىتقان ەدى.

كەيىن ونىڭ پاۆلوداردا جۇرگەنى بەلگىلى بولدى.

14 -قازاندا قازاقستان ازاماتى تەرگەۋ ءىس-شارالارىنا قاتىسۋ ءۇشىن سەۋل قالاسىنا ءوز ەركىمەن ۇشىپ باردى.

بۇگىن قازاقستاننىڭ وڭتۇستىك كورەياداعى كونسۋلى تەرگەۋشىمەن جانە قازاقستاندىقپەن كەزدەسەدى.

اۆتور: مارلان جيەمباي

سوڭعى جاڭالىقتار