+7 (701) 759 90 19
-8 °С : نۇر-سۇلتان
4 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

وڭتۇستىك كورەيادا بالا قاققان قازاقستاندىققا قانداي جازا تاعايىندالۋى مۇمكىن

16 قازان 13:16
:ءبولىسۋ
وڭتۇستىك كورەيادا بالا قاققان قازاقستاندىققا قانداي جازا تاعايىندالۋى مۇمكىن

نۇر-سۇلتان. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ وڭتۇستىك كورەيادا كولىكپەن بالا قاعىپ كەتكەن جىگىتكە قاتىستى دەرەكتەرمەن ءبولىستى، دەپ حابارلايدى قازاقپارات ءتىلشىسى.

«وزدەرىڭىزدە بىلەتىندەي، ازاماتىمىز ءوز ەركىمەن سەۋل قالاسىنا باردى. بۇل كورەيا تاراپىمەن كەلىسسوزدەر بارىسىندا جۇزەگە اسىرىلدى. قازىرگى ۋاقىتتا ول چۋنبون قالاسىنىڭ تەرگەۋ يزولياتورىندا وتىر. تەرگەۋ امالدارى باستالدى. بۇگىن ءبىزدىڭ كونسۋل تەرگەۋشىمەن، سونىمەن قاتار ازاماتىمىزبەن كەزدەسەدى. ءبىز ونىڭ بارلىق قۇقىقتارىنىڭ قورعالىپ، ساقتالۋىن قاداعالاپ وتىرامىز. ادۆوكات مەملەكەت قارجىسى ەسەبىنەن كورەيا تاراپىنان ۇسىنىلادى. ەگەر ءوز قاراجاتىنا جالداعىسى كەلسە، ءبىز وعان جاقسى ادۆوكات تاۋىپ بەرەمىز. سوندىقتان قانداي دا ءبىر قورىتىندى شىعارۋعا ءالى ەرتە دەپ ويلايمىز. تەرگەۋ بارىسى بارلىق ءمان-جايدى انىقتاپ، سوت بولادى. وندا كورەيا تاراپى مۇنىڭ بارلىعىن ەگجەي-تەگجەيلى قاراستىرادى»، - دەدى رەسمي وكىل.

ونىڭ اتاپ وتۋىنشە، قازاقستان ازاماتىنىڭ ۇستىنەن قىلمىستىق ءىس قوزعالعان. قانداي جازانىڭ تاعايىندالاتىندىعى بۇگىن قازاقستان كونسۋلىنىڭ تەرگەۋشىمەن كەزدەسۋى بارىسىندا انىقتالادى.

«ول كورەيادا وتكەن جىلدان بەرى 1 جىلدان استام ۋاقىت بويى زاڭسىز جۇرگەن. جانە قىلمىس جاسالعان ساتتە قورقىپ، قاشىپ كەتكەن. نەبەرى 20 جاستاعى جاس جىگىت. ءبىراق، وقيعانىڭ كۇردەلىگىن ءتۇسىنىپ، ءوز ەركىمەن وقيعا ورىن العان جەردە قايتىپ ورالدى. ال كورەيالىق بالانىڭ جاعدايى جاقسارىپ كەلە جاتىر. قازىر وزدىگىنەن ءجۇرىپ-تۇرا الادى. ءبارى جاقسى، ساۋىعىپ كەتەتىندىگىنە سەنىمدىمىز»، - دەدى ايبەك سمادياروۆ.

ەسكە سالا كەتەيىك، ءبىراز ۋاقىت بۇرىن قازاقستان ازاماتى وڭتۇستىك كورەيادا كىشكەنتاي بالانى قاعىپ، وقيعا ورنىنان ءىزىن سۋىتقان ەدى.

كەيىننەن ونىڭ پاۆلوداردا جۇرگەنى بەلگىلى بولدى. قازاندا قازاقستان ازاماتى تەرگەۋ ءىس- شارالارىنا قاتىسۋ ءۇشىن سەۋل قالاسىنا ءوز ەركىمەن ۇشىپ باردى.

اۆتور: مارلان جيەمباي


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات