+7 (701) 759 90 19
-13 °С : نۇر-سۇلتان
-10 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

اقتوبەدە باسپا ءسوز حاتشىسى سوتتىڭ سۋدياسى بولدى

16 قازان 08:36
:ءبولىسۋ
اقتوبەدە باسپا ءسوز حاتشىسى سوتتىڭ سۋدياسى بولدى

اقتوبە. قازاقپارات - اقتوبە وبلىستىق سوتىنىڭ ءتوراعاسى ساكەن ابدوللا وبلىستىڭ سوت كورپۋسىنا جاڭادان تاعايىندالعان سۋديالاردى تانىستىردى، دەپ حابارلايدى قازاقپارات ءتىلشىسى وبلىستىق سوتتىڭ باسپا ءسوز قىزمەتىنە سىلتەمە جاساپ.

پرەزيدەنت جارلىعىمەن اقتوبە قالالىق سوتىنىڭ سۋدياسى لاۋازىمىنا يليادا دوسوۆا تاعايىندالدى. ول بۇعان دەيىن بىرنەشە جىل بويى وبلىستىق سوتتىڭ باسپا ءسوز حاتشىسى قىزمەتىن اتقارعان بولاتىن. سونىمەن قاتار بۇل قىزمەتكە مەرەكە سابىربايەۆا، اقتوبە قالاسىنىڭ №2 -سوتىنا ساندۋعاش يزباعامبەتوۆا، سايا تاشىمبايەۆ جانە اقتوبە وبلىسى بايعانين اۋداندىق سوتىنىڭ ءتوراعاسى قىزمەتىنە جاناس قۋانىشەۆ تاعايىندالدى. وبلىستىڭ اۋداندىق سوتتارى جاڭا كادرلارمەن تولىقتى. سونداي-اق، وسى جارلىقپەن مۇعالجار اۋداندىق سوتىنىڭ سۋديالارى لاۋازىمىنا ۇلبولسىن ايتجانوۆا، رامازان قۇستانوۆ جانە شالقار اۋداندىق سوتىنىڭ سۋدياسى لاۋازىمىنا دارحان يسابەك تاعايىندالدى.

جاڭادان تاعايىندالعان سۋديالار ءوز مىندەتتەرىن ءادىل جانە ادال نيەتپەن ورىنداۋعا، سوت تورەلىگىن جۇزەگە اسىرۋعا، تەك قازاقستان رەسپۋبليكاسىنىڭ كونستيتۋتسياسى مەن زاڭىنا باعىنۋعا، سوت مىندەتىنىڭ تاپسىرىسى بويىنشا بەيتاراپتى جانە ءادىل بولۋعا سالتانناتى تۇردە انت بەردى.




«بارلىق لاۋازىمعا تاعايىندالعان سۋديالاردىڭ سوت، قۇقىق قورعاۋ ورگاندارىندا جانە جەكە زاڭگەرلىك پراكتيكاسىندا ايتارلىقتاي تاجىريبەسى بار. سونىمەن قاتار، ولار سوتتاردىڭ بىلىكتىلىك دەڭگەيىن تەكسەرۋ اتتەستاتسياسىن جاقسى تاپسىرىپ، كوميسسيا مۇشەلەرى بۇل مامانداردىڭ تەوريالىق جانە پراكتيكالىق بىلىكتىلىگىن اتاپ وتكەن بولاتىن. وبلىستىق سوت ءتوراعاسى ساكەن ابدوللا سوت تورەلىگىن جۇزەگە اسىرۋدا زاڭ مەن ار-وجداندى باسشىلىققا الا وتىرىپ، ازاماتتاردىڭ قۇقىقتارى مەن مۇددەلەرىن قورعاي وتىرىپ، مەملەكەت يگىلىگى ءۇشىن جۇمىس جاساۋدا جاڭا قىزمەتىنە ساتتىلىك تىلەدى.

ءىس-شارا سوڭىندا وبلىستىق سوت ءتوراعاسى جاڭادان تاعايىندالعان سۋديالارعا سۋديالىق ادەپ كودەكسىن تابىستاي وتىرىپ، ءار جاس سۋديانى جەكە قابىلدادى. وبلىستىق سوت قىزمەتىن جاڭادان باستاعان ارىپتەستەرى ءۇشىن سەمينار ساباقتارىن تۇراقتى تۇردە وتكىزەدى»، - دەپ حابارلادى وبلىستىق سوتتىڭ باسپا ءسوز قىزمەتى.

اۆتور: التىناي ساعىندىقوۆا


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات