+7 (701) 759 90 19
-1 °С : نۇر-سۇلتان
-2 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

وزبەكستانداعى قازاقستان جىلى: تاشكەنتتە روزا رىمبايەۆانىڭ كونسەرتى ءوتتى

16 قازان 07:40
:ءبولىسۋ
وزبەكستانداعى قازاقستان جىلى: تاشكەنتتە روزا رىمبايەۆانىڭ كونسەرتى ءوتتى

نۇر-سۇلتان. قازاقپارات - وزبەكستانداعى قازاقستان جىلى اياسىندا تاشكەنتتە قازاقستاننىڭ حالىق ءارتىسى روزا رىمبايەۆانىڭ جەكە كونسەرتى ءوتتى.

بۇل تۋرالى قازاقپارات «قازاق كونسەرتكە» سىلتەمە جاساپ حابارلايدى.

«تۇركىستان» كونسەرت زالىندا روزا رىمبايەۆا تىڭدارمانداردىڭ سۇيىكتى اندەرىنە اينالعان ءوزىنىڭ تانىمال تۋىندىلارى مەن جاڭا شىعارمالارىن ورىنداپ كورەرمەنننىڭ ىستىق ىقىلاسىنا بولەندى. كونسەرتتە بەلگىلى كومپوزيتورلار جەڭىس سەيدۋللا ۇلى مەن كونسەرتمەيستەر ەركىن ىنتىقبايەۆ ونەر كورسەتتى. كورەرمەندەر قاتارىندا وزبەكستاننىڭ مادەنيەت ءمينيسترى باحتيەر سايفۋللايەۆ، ق ر وزبەكستان رەسپۋبليكاسىنداعى توتەنشە جانە وكىلەتتى ەلشىسى دارحان ساتىبالدى، سونداي-اق وزبەكستاننىڭ ونەر جۇلدىزدارى مەن زيالى قاۋىم وكىلدەرى بولدى.

«قازاقستاننىڭ وزبەكستانداعى جىلى اياسىندا كوپتەگەن مادەني جوبالار جۇزەگە اسىرىلدى. عاسىرلار بويى قالىپتاسقان ەكى ەل اراسىنداعى دوستىق، باۋىرلاس حالىقتارىمىزدىڭ جاقىنداستىعى وتە جوعارى دەڭگەيدە. بۇگىنگى كونسەرتتە سونىڭ ايقىن كورىنىسى»، - دەيدى «قازاق كونسەرت» مەملەكەتتىك كونسەرتتىك ۇيىمىنىڭ ديرەكتورى جەڭىس سەيدۋللا ۇلى.

ايتا كەتسەك، مادەنيەت جانە سپورت مينيسترلىگىنىڭ قولداۋىمەن 6 -قاراشادا ءدال وسى تۇركىستان زالىندا قازاقستاننىڭ حالىق ءارتىسى ماقپال ءجۇنىسوۆانىڭ كونسەرتى بولادى. اتالعان كونسەرتكە «استانا سازى» ەتنو-فولكلورلىق مەن «Saz- soul» ۆوكالدىق- اسپاپتىق انسامبلدەرى قاتىسپاق.

ەسكە سالا كەتسەك، وزبەكستانداعى قازاقستان جىلى اياسىندا وسىدان ءبىر اي بۇرىن «جاپون كۇزى» فەستيۆالىنە وراي قازاقستان، وزبەكستان جانە جاپونيانىڭ بەلگىلى ارتىستەرى بىرلەسىپ تاشكەنتتە كونسەرت وتكىزگەن بولاتىن.

اۆتور: ايان بەكەن ۇلى


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات