20:03, 15 - قازان 2019 | GMT +6
ەلباسى وزبەكستان رەسپۋبليكاسىنىڭ پرەزيدەنتى شاۆكات ميرزييەۆپەن كەزدەستى
نۇر- سۇلتان. قازاقپارات - كەزدەسۋ بارىسىندا نۇرسۇلتان نازاربايەۆ شاۆكات ميرزييەۆتىڭ باسشىلىعىمەن قول جەتكىزىلگەن وزبەكستاننىڭ الەۋمەتتىك- ەكونوميكالىق دامۋىنىڭ ناتيجەلەرىنە توقتالدى، دەپ حابارلايدى ەلباسىنىڭ رەسمي سايتى.
- قازاقستان مەن وزبەكستان وتە جاقىن جانە ماڭىزدى سەرىكتەس. ءوزارا تاۋار اينالىمى 2,5 ميلليارد دوللارعا جەتتى. بۇعان دەيىن مۇنداي كورسەتكىشتەر بولعان ەمەس. بۇل جاقسى پەرسپەكتيۆالارعا جول اشىپ وتىر، - دەدى قازاقستاننىڭ تۇڭعىش پرەزيدەنتى.
ءوز كەزەگىندە شاۆكات ميرزييەۆ ەكى ەلدىڭ تابىستى ىنتىماقتاستىعىنا كوبىنە قازاقستاننىڭ تۇڭعىش پرەزيدەنتىنىڭ ساليقالى ساياساتىنىڭ ارقاسىندا قول جەتكىزىلگەنىن ايتتى.
سونداي- اق، ش. ميرزييەۆ وزبەكستانداعى قازاقستان جىلى اياسىندا ءوتىپ جاتقان ءىس- شارالاردىڭ ورىندالۋ بارىسىنا توقتالدى.