+7 (701) 759 90 19
-14 °С : نۇر-سۇلتان
9 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

ۇلكەن بالاڭىزدى ۇمىتپاڭىز

16 قازان 06:21
:ءبولىسۋ
ۇلكەن بالاڭىزدى ۇمىتپاڭىز

نۇر-سۇلتان. قازاقپارات - الدىڭعى جازىلعان «بالاڭىز اعا نە اپكە بولعاندا» تاقىرىبىنداعى ماتەريالدا وتباسىنا جاڭادان ءسابي قوسىلعاندا ۇلكەندەرىنىڭ قىزعانىشىن تۋعىزباس ءۇشىن بارلىعىنا بىردەي كوڭىل ءبولۋ جونىندە كەڭەستەر بەرگەن ەدىك.

ۋاقىتىڭىزدى بارلىعىنا بىردەي ارناۋ جونىندە تاعى دا بىرنەشە كەڭەس لەگىن قابىل الىڭىز. ەندى ءسىز ەكەۋىنە ء(ۇش- تورتەۋىنە) بىردەي ۋاقىت ارناۋىڭىز كەرەك. دامىعان تەحنولوگيا زامانىن كادەڭىزگە جاراتىڭىز. ءبىر پايدالاناتىن جورگەكتەر، كىر جۋۋ ماشيناسى، تەز دايىندالاتىن تاعامدار اجىراماس دوستارىڭىزعا اينالسىن. كىشكەنە نارەستەگە ومىراۋ بەرىپ جانىندا ۇيىقتاۋ، ۇزاق ۋاقىت جانىندا وتىرىپ بەسىك جىرىن ايتۋ - ەكى- ءۇش بالاسى بار انالاردىڭ ءىسى ەمەس. ەموتسيا، نازار، ۋاقىت جەتىسپەۋشىلىگى - ماسەلەلەردىڭ باستى سەبەبى.

ۇلكەن بالاڭىزدان نارەستە تۋرالى ويىن سۇراڭىز. ارالارىنا مىزعىماس كوپىر سالىپ، اسا باۋىرمال قىلىپ تاربيەلەۋگە تىرىسىڭىز. ول تۋرالى سۇراقتارىنا جاۋاپ بەرىپ، ءتۇسىندىرىپ، قىزىعۋشىلىعىن قاناعاتتاندىرىڭىز. باۋىرلار تۋرالى ەرتەگىلەر وقىپ بەرىڭىز. سىلدىرلاق ساتىپ الساڭىز، ۇلكەنىڭىزگە ويىنشىق كولىك (نە قۋىرشاق) الۋدى ۇمىتپاڭىز. ۇيگە بالالاردىڭ اتا- اجەسى نە وزگە قوناقتار كەلەتىن بولسا دا نە ءبولىپ- جارماي بارلىق بالاعا بىردەي ويىنشىق السىن، نە ەشتەڭە الماي- اق قويسىن، وسىنى ەسكەرتىڭىز. كىشكەنە بالاڭىزعا بەسىك جىرىن ايتىپ، ۇلكەنىڭىزدى ەرتەگىدەن (نە سىر شەرتىسۋ ساتىنەن) قۇر قىلدارماڭىز. كىشى بالاعا فوتوسەسسيا ۇيىمداستىرساڭىز، ۇلكەنىڭىزدىڭ پورترەتىن ينستاگرامدا جاريالاپ، ونىڭ ەڭ سۇيىكتى بالاڭىز ەكەنىن جازىڭىز.

كىشكەنتايدىڭ جاعدايىن جاساۋدا ۇلكەنىڭىزدەن كومەك سۇراڭىز. ءار ىستە قولعانات بولعانىن ماقتاپ وتىرىڭىز. ۇنەمى. بۇل ءىسىن كىشكەنتايىڭىزعا ۇلگى ەتىپ ايتىڭىز. ۇلكەن بالالارىڭىز كىشكەنتايلاردى باعۋعا مىندەتتى ەمەس. زەرتتەۋشىلەر ون ەكى جاسقا تولماعان بالاعا كىشكەنتاي بالالاردى سەنىپ تاپسىرۋعا بولمايتىنىن، ءتىپتى از ۋاقىتقا بولسا دا قالدىرماۋدى ەسكەرتەدى. ءتىپتى بالا ون بەس جاسقا كەلسە دە، ول وزىنەن كەيىنگى باۋىرلارىن قاراپ، اتا- اناسىنا كومەكتەسۋگە ءوز ىنتاسى بولسا عانا قاراۋدى تاپسىرىڭىز، ال وعان مىندەتتەپ، باۋىرلارىن قاراۋعا ەرىكسىز كوندىرۋ دۇرىس ەمەس.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات