قازاقستان سىبايلاس جەمقورلىقپەن كۇرەسەتىن مەملەكەتتەر توبىنا قوسىلدى
قازاقستان رەسپۋبليكاسىنىڭ پرەزيدەنتى 2019 -جىلى 27 - تامىزدا ءتيىستى جارلىققا (№139) قول قويعان بولاتىن.
س ج ك م ت - 1999 -جىلى ەۋروپا كەڭەسىنىڭ باستاماسىمەن قۇرىلعان، وعان قازاقستانعا دەيىن اۆستريا، ا ق ش، ۇلى بريتانيا، گەرمانيا، فرانسيا، نيدەرلاندى، نورۆەگيا، شۆەتسيا، فينليانديا سياقتى 49 مەملەكەت كىرگەن. پوست- كەڭەستىك كەڭىستىكتەگى مەملەكەتتەر اراسىنان ازەربايجان، ارمەنيا، بەلارۋس، گرۋزيا، رەسەي، ۋكراينا جانە ەستونيا مۇشە.
ۇيىمنىڭ الدىنا قويىلعان ەكى باستى مىندەتى - مۇشە مەملەكەتتەردە سىبايلاس جەمقورلىقپەن كۇرەس تاسىلدەرىن جەتىلدىرۋ جانە سىبايلاس جەمقورلىق جاعدايلارىن انىقتاۋ جانە الدىن- الۋ سالاسىنداعى وڭ تاجىريبەمەن الماسۋدىڭ بازاسىن جاساۋ.
قازاقستان جاعىنان شاراعا سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ قاتىستى.
ەۋروپا كەڭەسىنەن باس حاتشىنىڭ ورىنباسارى گابريەللا باتتايني- دراگوني قاتىسىپ، قازاقستاننىڭ سىبايلاس جەمقورلىققا قارسى ساياساتىن ىسكە اسىرۋداعى ءبىرشاما ىلگەرىلەۋشىلىگى مەن ونىڭ باستاپقى ۇسىنىس بەرگەن ساتىنەن باستاپ ورىن العان وڭ وزگەرىستەرىن اتاپ ءوتتى.
«مەن قازاقستاننىڭ جەتىستىكتەرىمەن جانە س ج ك م ت مۇشە مەملەكەتتەرىمەن ءتيىمدى ىنتىماقتاسۋعا دايىندىعىن ماقتان ەتەمىن. ءبىز كەلەسى قادامداردى، سونىڭ ىشىندە ءسىزدىڭ ەلدىڭ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسياعا قوسىلۋىن تاعاتسىزدانا كۇتەمىن» ، - دەدى ول.
اليك شپەكبايەۆ قازاقستاننىڭ ەۋروپا كەڭەسىمەن جانە ونىڭ قۇرىلىمدارىمەن ونىڭ مۇشەسى بولماي تۇرىپ، 1997 -جىلدان باستاپ ىنتىماقتاستىق ورناتقانىن مالىمدەدى. ول: «ءبىز ەرەكشە قىزىعۋشىلىق تۋدىراتىن ماسەلەلەر بويىنشا كەڭەستىڭ مۇشە مەملەكەتتەرىمەن بىرلەسىپ جۇمىس ىستەۋگە مۇمكىندىك بەرەتىن ءبىرقاتار كەڭەيتىلگەن كەلىسىمدەرگە قاتىسا الامىز» ، - دەپ اتاپ ءوتتى.
ايتا كەتەيىك، قازاقستان 2012 -جىلدىڭ ناۋرىز ايىنان باستاپ قۇقىقتىق دەموكراتيا ءۇشىن ەۋروپالىق كوميسسيانىڭ (ۆەنەتسيا كوميسسياسى) قاتىسۋشىسى.