+7 (701) 759 90 19
-20 °С : نۇر-سۇلتان
-1 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

نۇرسۇلتان نازاربايەۆ ت م ى ك مەملەكەت باسشىلارىنىڭ سامميتىنە قاتىستى

15 قازان 18:32
:ءبولىسۋ
نۇرسۇلتان نازاربايەۆ ت م ى ك مەملەكەت باسشىلارىنىڭ سامميتىنە قاتىستى

نۇر- سۇلتان. قازاقپارات - ەلباسى نۇرسۇلتان نازاربايەۆ تۇركىتىلدەس مەملەكەتتەر ىنتىماقتاستىعى كەڭەسىنە مۇشە ەلدەردىڭ باسشىلارىنىڭ 7- سامميتىنە قاتىستى، دەپ حابارلايدى قازاقپارات ءتىلشىسى Еlbasy.kzاقپارات كوزىنە سىلتەمە جاساپ.

سامميتكە قاتىسۋشىلاردىڭ الدىندا سويلەگەن سوزىندە قازاقستاننىڭ تۇڭعىش پرەزيدەنتى وزبەكستان رەسپۋبليكاسىنىڭ پرەزيدەنت شاۆكات ميرزييەۆتى جانە بۇكىل وزبەك حالقىن تۇركى كەڭەسىنە ەنۋىمەن قۇتتىقتادى.

«كەڭەس قۇرامىنا وزبەكستاننىڭ كىرۋى - بۇكىل تۇركىتىلدەس قوعامداستىق ءۇشىن تاريحي ءارى كوپتەن كۇتكەن وقيعا بولدى»، - دەدى ەلباسى.


سونىمەن قاتار، نۇرسۇلتان نازاربايەۆ ىنتىماقتاستىقتىڭ ەۋروپالىق ۆەكتورىن جولعا قويۋ پروتسەسىندە بۋداپەشتتە تۇركى كەڭەسى وكىلدىگىنىڭ اشىلۋىن ەرەكشە اتاپ ءوتتى.

ەلباسى قىرعىز رەسپۋبليكاسىنىڭ ت م ى ك ءتوراعاسى رەتىندەگى جۇمىسىنىڭ ناتيجەسىن جوعارى باعالادى.

«سونداي- اق، ماعان «تۇركى كەڭەسىنىڭ قۇرمەتتى ءتوراعاسى» مارتەبەسىن بەرۋ تۋرالى ۇسىنىس بىلدىرگەن پرەزيدەنت رەجەپ ەردوعانعا العىس ايتقىم كەلەدى. وسى باستامانى قولداعانى ءۇشىن بارلىق دەلەگاتسيا باسشىلارى ريزامىن. بۇل جوعارى مارتەبە، ماعان ودان ءارى ءبىزدىڭ ورتاق ۇيىمنىڭ جۇمىسىنا بەلسەندى تۇردە قاتىسۋعا مۇمكىندىك بەرەدى»، - دەدى قازاقستاننىڭ تۇڭعىش پرەزيدەنتى.


ەسكە سالا كەتسەك، بۇگىن ازەربايجان استاناسىندا تۇركىتىلدەس مەملەكەتتەر ىنتىماقتاستىق كەڭەسىنە مۇشە مەملەكەتتەر باسشىلارىنىڭ 7- سامميتى ءوتتى.

شاراعا ت م ى ك ەلدەرىنىڭ باسشىلارى - تۇركيا پرەزيدەنتى رەجەپ ەردوعان، ازەربايجان پرەزيدەنتى يلحام اليەۆ، قىرعىزستان پرەزيدەنتى سوورونباي جەەنبەكوۆ، سونداي- اق قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ قاتىستى.

بيىل قازاقستان، تۇركيا، ازەربايجان جانە قىرعىزستان پرەزيدەنتتەرى قول قويعان تاريحي قۇجات - ناحچىۆان دەكلاراتسياسىنا تۋرا 10 جىل تولىپ وتىر. 2009 -جىلى ازەربايجاننىڭ ناحچىۆان قالاسىندا وتكەن تۇركىتىلدەس مەملەكەتتەر باسشىلارىنىڭ IX سامميتىندە ناحچىۆان دەكلاراتسياسىنا قول قويىلدى. وسىلايشا، قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ تۇركى كەڭەسىن قۇرۋ يدەياسى ىسكە اسقان ەدى.

اۆتور: ايان بەكەن ۇلى


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات