+7 (701) 759 90 19
-23 °С : نۇر-سۇلتان
5 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

قازاقتارعا ميلليونەر بولۋعا كەدەرگى باستى كەمشىلىك: باسىم بولىگى نەلىكتەن كەدەي؟

15 قازان 18:51
:ءبولىسۋ
قازاقتارعا ميلليونەر بولۋعا كەدەرگى باستى كەمشىلىك: باسىم بولىگى نەلىكتەن كەدەي؟

نۇر-سۇلتان.قازاقپارات - 42 جاسىندا قاتەرلى ىسىكتى جەڭىپ شىعىپ، پسيحولوگ، موتيۆاتور رەتىندە حالىققا پايداسىن تيگىزۋدى ءجون كورگەن ايسۇلۋ قۇتپانبەكوۆا كوپتەگەن قازاقستاندىقتاردىڭ كوكەيىن قانداي سۇراق مازالايتىنىن ايتىپ بەردى.

پسيحولوگتىڭ سوزىنشە، قازاقتاردىڭ باستى كەمشىلىگى ولارعا ميلليونەر سەكىلدى ءومىر سۇرۋگە مۇمكىندىك بەرمەيدى. سونىمەن قاتار، قۇتپانبەكوۆا Stan.kz اقپارات اگەنتتىگىنىڭ تىلشىسىنە قۇلدىق سانادان قالاي ارىلىپ، جاقسى تابىس كوزىنە كەڭەلۋگە بولاتىنىن ءتۇسىندىردى.

قاتەرلى ىسىكتى جەڭىپ شىققان كەيىپكەرىمىز شەشىلمەيتىن ءتۇيىن جوق دەۋمەن قازاقستاندىقتارعا سىناقتان سۇرىنبەي ءوتۋدى، كەدەرگىگە تاپ بولسا، بەرىلمەۋدى ۇيرەتىپ ءجۇر. قۇتپانبەكوۆا ءوزىنىڭ ومىرلىك تاجىريبەسىن وزگەلەرمەن ءبولىسۋدى، جەتىستىككە جەتۋدىڭ قىر- سىرىن ۇيرەتۋدى مىندەتى دەپ بىلەدى.

«ينفوبيزنەسكە كەلىپ، ترەنەرلەرمەن جۇمىس ىستەي باستاعاندا، ءبىلىمىم كۇللى قازاقستانعا قاجەت ەكەنىن ءتۇسىندىم. ال ادام ءوزىنىڭ ءبىلىمدى مامان ەكەنىن ۇعىنعان كەزدە، ۇندەمەۋگە قۇقىعى جوق. مەن دەرتىمدى جەڭىپ شىعىپ، قۇدايعا شۇكىرشىلىك ەتە باستاپ ەدىم، ساتتىلىكتىڭ اعىمى مەن تولقىنىنا ءىلىندىم. جولىم اشىلدى. جەتىستىككە جەتۋ، اعىمعا ءىلىنۋ مەنىڭ قولىمنان كەلسە، باسقا قازاقستاندىقتاردىڭ دا قولىنان كەلەدى. اۋىرتپالىققا مويىماڭىز، كەدەرگىگە بەرىلمەي، جاراتقانعا دەگەن سەنىمىڭىزدى جوعالتپاڭىز. اللا تاعالادان جولىڭىزدى اشۋدى سۇراڭىز. سول كەزدە اعىمعا قوسىلاسىز. بىرەۋ جەتىستىككە ون جىلداپ جەتسە، ءسىز كوزدەگەنىڭىزگە ءبىر جىلدا قول جەتكىزەسىز. ءوز- وزىڭىزبەن جۇمىس ىستەگەندە، ءوزىڭىزدى جاقسى كورگەندە، جاسىڭىز قانشادا ەكەنى ماڭىزدى ەمەس، ءومىرىڭىزدى وزگەرتۋگە مۇمكىندىك بار ەكەنىن تۇسىنەسىز «، — دەيدى قۇتپانبەكوۆا.

پسيحولوگتىڭ سوزىنە سەنسەك، قازاقتاردىڭ كەمشىلىگى ويلاۋ قابىلەتىنىڭ جوقتىعىندا، قۇلدىق سانامەن ءومىر سۇرۋىندە جاتىر. مامان قازاقتاردىڭ كوپشىلىگى وسەك ايتىپ، وسەك تەرۋدەن، توي تويلاۋدان - ءبىرىنشى، ءبىراق ويلانۋعا كەلگەندە مۇلدەم ناشار ەكەنىن ايتىپ كۇيىندى. قارجىلىق ساۋاتتىلىق، باي مەن كەدەيدىڭ ايىرماشىلىعى جايىندا ءسوز قوزعاي كەلە پسيحولوگ قازاقستاندىقتاردى ءبىرىنشى كەزەكتە وزگەنىڭ ەمەس، ءوزىنىڭ ماسەلەسىن شەشىپ الۋعا شاقىردى.

«ءبىزدىڭ قازاقتار ۋاقىتىنىڭ %90 ىن بىرەۋدىڭ پروبلەماسىن شەشۋگە جۇمسايدى. مۇنى قويىپ، ءوزىنىڭ باسىنا تۇسكەن ىسپەن اينالىسۋى قاجەت. ميلليونەرلەردىڭ بىزدەن ءبىر- اق ارتىقشىلىعى — ويلاۋ قابىلەتىنىڭ وزگە بولۋىندا جاتىر. بولدى، باسقا جوق. ول كوكەيىنە كەلگەن ويىن جۇزەگە اسىرعانشا تىنىم تاپپايدى. سونداي بولۋدى ۇيرەنىڭىز. كۇيەۋىم قاڭعىرىپ كەتتى، اقشا جەتپەي جاتىر دەگەن پروبلەمامەن الدىما ءجيى كەلەدى. ارينە، اقشا ومىرىمىزدە كوپ ماسەلەنى شەشەدى، ءبىراق ءبىز وعان قۇل بولماۋ كەرەكپىز. كەرىسىنشە، اقشا بىزگە جۇمىس ىستەۋى قاجەت.

ەگەر ءسىزدىڭ ساناڭىزدا قۇلدىق سانا تۇرسا، ءومىر بويى اقشا ءۇشىن ءومىر سۇرەسىز. وكىنىشكە وراي، ءبىزدىڭ قازاقتاردىڭ باسىم بولىگىنىڭ قارجىلىق ساۋاتتىلىعى جوق. ەڭبەگىمەن تاپقان تابىسىن قالاي دۇرىس جۇمسارىن بىلمەيدى. ايلىق ، مىسالى، 150-200 مىڭ تەڭگە بولسا، داستارحانعا قانشا جۇمساۋ قاجەت، جىلىنا نەشە رەت كيىنۋ كەرەك، كەلەشەكتەگى شىعىندارعا قانشا قاراجات قالدىرۋ دۇرىس ەكەنىن ەسەپتەپ انىقتاۋعا بولادى. سونداي- اق وتانداستارىمىزدىڭ اراسىندا وزىنە ينۆەستيتسيا قۇيۋعا اقشاسىن ايايتىندار جەتكىلىكتى.

ءبىلىم بەرەيىن دەسەڭ، تەگىن ەمەس، اقىلى ەكەن دەپ باس تارتىپ شىعادى. باي ادام مەن كەدەي ادامنىڭ پسيحولوگياسىنداعى ەرەكشەلىك وسى. بارلىق كەدەيدىڭ جانى تەگىن دۇنيەگە قۇمارتىپ تۇرادى. كەدەي كىنانى وزگەدەن، ال باي مەنىكى دۇرىس ەمەس دەپ وزىنەن ىزدەيدى. سوندىقتان جەتىستىككە جەتەدى. باي مەن كەدەيدىڭ ايىرماشىلىعى وسىندا. %99 ادامدار كەدەيلىكتە، قالعان ءبىر پايىزى بايلىقتا ءومىر سۇرەدى. ءسىز ەشكىم ىستەمەگەن دۇنيەنى ىستەۋىڭىز قاجەت، سوندا ەشكىمدە بولماعان ءومىر سىزدە بولادى»، — دەيدى ول.

ايسۇلۋ قۇتپانبەكوۆا ۇزدىكتەردەن العان ءبىلىمدى مىندەتتى تۇردە تاجىريبە جۇزىندە قولدانىپ، قاي كەز بولماسىن، قارجىلىق ساۋاتتىلىقتى ارتتىرىپ وتىرۋعا كەڭەس بەرەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات