+7 (701) 759 90 19
29 °С : نۇر-سۇلتان
29 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ءتىرى قالادى دەۋگە ءالى ەرتە: دارىگەرلەر كۇيەۋى ورتەپ جىبەرگەن ايەلدىڭ جاعدايىن ايتتى

15 قازان 17:32
:ءبولىسۋ
ءتىرى قالادى دەۋگە ءالى ەرتە: دارىگەرلەر كۇيەۋى ورتەپ جىبەرگەن ايەلدىڭ جاعدايىن ايتتى

نۇر- سۇلتان. قازاقپارات - نۇر- سۇلتان قالاسىنداعى تراۆماتولوگيا جانە ورتوپەديا عىلىمي- زەرتتەۋ ينستيتۋتى دارىگەرلەرى كۇيەۋى ۇستىنە بەنزين قۇيىپ ورتەپ جىبەرگەن ايەلدىڭ جاعدايى قالاي ەكەنىن ايتتى، دەپ حابارلايدى قازاقپارات ءتىلشىسى.

«ناۋقاستىڭ رەانيماتسيا بولىمشەسىندە جاتقانىنا 9 كۇن بولدى. جاعدايى وتە اۋىر، كۇيگەن كەزدە العان قورقىنىشتان ارىلدى. گەموديناميكاسى تۇراقسىز. ومىرلىك ماڭىزدى ورگانداردىڭ قىزمەتى ءدارى- دارمەكتىڭ كۇشىمەن جۇمىس ىستەپ تۇر. بولجام كۇماندى، جاعدايى جاقسارىپ كەلە جاتقان جوق. ءتىرى قالۋ مۇمكىندىگى جايىندا ايتۋعا ءالى ەرتە»، - دەيدى انەستەزيولوگيا، رەانيماتسيا جانە قارقىندى تەرەپيا بولىمشەسىنىڭ دارىگەر- رەانيماتولوگى ەربول تولگەن ۇلى.

ونىڭ اتاپ وتۋىنشە، ناۋقاس زوند ارقىلى تاماقتانادى، وكپەسى جاساندى جولمەن تىنىس الۋدا.

«قازىر ءبىز وعان ەشكىمدى كىرگىزبەي وتىرمىز، قايتادان ينفەكسيا جۇعاما دەپ قورقامىز. ول وقشاۋلانعان. تۋعان- تۋىستارى كەلىپ جاعدايىن ءبىلىپ تۇرادى. ءبىز ءتۇسىندىرىپ ايتامىز. ول ەس- ءتۇسسىز جاتىر، ءومىرى جاساندى جولمەن اپپارات ارقىلى قامتاماسىز ەتىلۋدە»، - دەدى ول.

بۇعان دەيىن ەلوردالىق ازاماتتىڭ وتباسىلىق جانجال سالدارىنان ايەلىنىڭ ۇستىنە بەنزين قۇيىپ، ورتەپ جىبەرگەنىن حابارلاعان ەدىك.

«6 - قازان كۇنى ساعات شامامەن 11.40-تا پوليتسياعا قوعامدىق كولىك ايالداماسىندا (مامانداندىرىلعان حالىققا قىزمەت كورسەتۋ ورتالىعى اۋدانى) دەنەسىندە كۇيىك شالۋ بەلگىلەرى بار ايەلدىڭ وتىرعاندىعى تۋرالى اقپارات ءتۇستى. ايەل اۋرۋحاناعا جەتكىزىلىپ، جاتقىزىلدى. اتالعان فاكتى بويىنشا پوليتسيا قىزمەتكەرلەرى كۇدىكتى رەتىندە ايەلدىڭ 43 جاستاعى كۇيەۋىن ۇستادى»، - دەلىنگەن نۇر- سۇلتان قالالىق پوليتسيا دەپارتامەنتى تاراتقان حابارلامادا.

دەپارتامەنت مالىمەتىنشە، وتباسىلىق جانجال كەزىندە ەر ادام ايەلىن تاسالاۋ جەرگە اپارىپ، ۇستىنە بەنزين قۇيىپ، ورتەپ جىبەرگەن.

«ادام ولتىرۋگە وقتالۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ۇستالعان ازامات كىناسىن مويىنداپ وتىر. ول نۇر- سۇلتان قالالىق پ د ۋاقىتشا وقشاۋلاعىشىنا قامالدى»، - دەپ اتاپ ءوتتى ۆەدومستۆودان.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات