شەكارادان زاڭسىز وتكەن ازاماتتار زايسان قالاسىنا جەتكىزىلەدى

None
None
نۇر- سۇلتان. قازاقپارات – 10- قازاندا قىتاي ازاماتتارى مۇراگەر ءالىم ۇلى مەن قاستەر مۇساقانعا قاتىستى ق ر قىلمىستىق كودەكستىڭ 392-بابى 1-بولىگىندە قاراستىرىلعان «قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز ءوتۋ» بويىنشا سوتقا دەيىنگى تەكسەرۋ باستالدى،

 دەپ حابارلايدى قازاقپارات ق ر  ۇلتتىق قاۋىپسىزدىك كوميتەتى ق ك ش ق باسپا ءسوز قىزمەتىنە سىلتەمە جاساپ.

«ولار 14 - قازاندا الماتى قالاسىنداعى شەكارا قىزمەتىنىڭ «شىعىس» وڭىرلىك باسقارماسىنا شەكارادان ءوتۋ جاعدايىن انىقتاۋ ءۇشىن شاقىرتىلعان بولاتىن. پروتسەستىك تارتىپپەن ۇستالمادى، قاماۋ شارالارى قولدانىلعان جوق. م. ءالىم ۇلى مەن ق. مۇساقان «شىعىس» ءو ب عيماراتىندا ءوز ەرىكتەرىمەن قالدى جانە ولارعا تاماق، جاتاتىن ورىن بەرىلدى»، دەلىنگەن حابارلامادا.

ۆەدموستۆونىڭ مالىمەتىنشە، ولار 1 - قازاندا ق ح ر- دان ق ر- عا شەكارادان زاڭسىز وتكەندەرى تۋرالى الدىن الا ايتقان.

«وسىعان بايلانىستى، شەكارادان ءوتۋ جاعدايىن انىقتاۋ، سونداي- اق بولجامدى قۇقىق بۇزعان جەردە پروتسەستىك جانە باسقا دا تەكسەرۋ ءىس- ارەكەتتەرىن وتكىزۋ ءۇشىن 15 - قازاندا ولاردى شىعىس قازاقستان وبلىسىنىڭ زايسان قالاسىنا جەتكىزۋ جوسپارلانىپ وتىر. سونىمەن قاتار، ق. مۇساقان 2006 -جىلعى 21 - ماۋسىمدا مال ۇرلىعى ءۇشىن قىلمىستىق جاۋاپكەرشىلىكتەن جالتارۋ ماقساتىندا قازاقستان- قىتاي شەكاراسىن بۇزعاندىعى بەلگىلى بولدى. ول كەزدە تەكسەرۋ جۇمىستارىنان كەيىن ق ح ر- عا قايتارىلعان بولاتىن»، دەلىنگەن حابارلامادا.

شەكارا قىزمەتى وقيعانىڭ قولدانىستاعى زاڭنامالارىنا سايكەس جۇرگىزىلىپ جاتقانىن جەتكىزدى.

«ۇلتتىق قاۋىپسىزدىك كوميتەتىنىڭ شەكارا قىزمەتى ق ح ر ازاماتتارى م. ءالىم ۇلى مەن ق. مۇساقانعا قاتىستى سوتقا دەيىنگى تەكسەرۋ، ولاردىڭ قۇقىقتارىنىڭ تولىق ساقتالۋىمەن، سونداي- اق حالىقارالىق مىندەتتەمەلەرگە جانە قازاقستان رەسپۋبليكاسىنىڭ قولدانىستاعى زاڭنامالارىنا سايكەس جۇرگىزىلىپ جاتقانىن حابارلايدى»، دەلىنگەن حابارلامادا.

سوڭعى جاڭالىقتار