+7 (701) 759 90 19
-12 °С : نۇر-سۇلتان
-4 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ديماش قۇدايبەرگەن نيۋ- يوركتە ءتورت تىلدە ءان شىرقايدى

15 قازان 15:32
:ءبولىسۋ
ديماش قۇدايبەرگەن نيۋ- يوركتە ءتورت تىلدە ءان شىرقايدى

الماتى. قازاقپارات - قازاقستاندىق ءانشى ديماش قۇدايبەرگەن 10 - جەلتوقساندا نيۋ- يوركتە (ا ق ش) وتەتىن «Arnau tour ENVOY» جەكە كونسەرتى تۋرالى ايتىپ بەردى، دەپ حابارلايدى قازاقپارات ءتىلشىسى.

«مەن الەمگە مادەنيەتىمىزدى «Arnau tour ENVOY» شوۋى ارقىلى پاش ەتەتىنىمە قۋانىشتىمىن. نيۋ- يوركتەگى كونسەرتتىڭ كورەرمەندەرى زاماناۋي ناقىشتاعى قازاقتىڭ ساف ونەرىمەن تانىسا الادى. ءبىز بۇكىل كوماندامىزبەن وسى باعىتتا جۇمىس ىستەپ جاتىرمىز. وسى جوباعا قاتىسى بار ءار ادام كاسىبي ماماندار دەي الامىن»، - دەدى ءوز اسەرىمەن بولىسكەن ديماش.

«Arnau tour ENVOY» - الەم نازارىن ەلىمىزگە اۋداراتىن ۇلكەن يميدجدىك جوبا. كونسەرتكە دايىندىق جۇمىستارىمەن قازاقستاندىق دارىندى جاستار اينالىسىپ جاتىر. شوۋ باعدارلاماعا قاتىسۋشىلاردىڭ ورتاشا جاسى - 25.

شوۋ حورەوگرافتارى قۋانىش بەكەن مەن ارسەن يمەنوۆ. ەكەۋى دە ءوز ىستەرىنىڭ مايتالماندارى. قۋانىش بەكەن ISDS بويىنشا «The Best Choreographer 2018» بايقاۋىنىڭ جەڭىمپازى اتانعان. سونداي- اق، ول كوپتەگەن تەلەۆيزيالىق جوبالاردا، كليپ جانە ەسترادا جۇلدىزدارىنىڭ ۇلكەن كونسەرتىندە قويۋشى حورەوگراف بولعان. ارسەن يمەنوۆ Contemporary art باعىتىندا جۇمىس ىستەيدى. ءتۇرلى ەۋروپالىق ترۋپپالاردا ءوزىن سىناپ كورگەن. جىگىتتەر ديماشتىڭ داۋىسى مەن مۋزىكالىق اسپاپتاردىڭ ءۇنىن دەنە قيمىلى ارقىلى ۇيلەستىرۋدىڭ ءتۇرلى امالىن ويلاپ تاپتى.

كونسەرتتەگى بارلىق حورەوگرافيالىق ەلەمەنتتەردى 10 بيشىدەن تۇراتىن قازاقستاندىق توپ ورىندايدى. ولاردىڭ قاتارىندا «تانسى نا ت ن ت» شوۋىنىڭ فيناليسى الەكساندر لي دە بار. الەكساندر «ARNAU» كونسەرتىندە جەكە كومپوزيتسيا ۇسىنعان بولاتىن، ەندى وسىنىڭ جەتىلدىرىلگەن ءتۇرىن نيۋ- يورك كورەرمەندەرى تاماشالاي الادى.

DQ_band - كونسەرتكە قاتىساتىن مۋزىكانتتار مۋلتي اسپاپشىلار بولىپ تابىلادى. ۇجىمنىڭ ءار مۇشەسى بىرنەشە اسپاپتا ەركىن ويناي الادى.

افيشالارداعى ديماشتىڭ جارقىن بەينەسىن قازاقستاندىق فوتوگراف ەۆگەنيا ۆولكوۆا تۇسىرگەن. پوستەردى Contemporary art جانە New Media Art جانرلارىنىڭ وكىلى رينات ابدراحمانوۆ دايىندادى. رينات ۆيزۋالدى اسەر بەرۋ ارقىلى شوۋ يدەياسىن گرافيكالىق نۇسقادا ەرەكشە ازىرلەگەن. «Arnau tour ENVOY» افيشاسىنىڭ ديزاين اۆتورى الماتىلىق جاس ديزاينەر اناستاسيا شيپوۆالوۆا.

شوۋدىڭ پرومو- روليگىن دارىندى قويۋشى وپەراتور ازامات دۋلاتوۆ دايىندادى. ازاماتتىڭ پورتفوليوسىندا قازاقستاندىق جانە رەسەيلىك جۇلدىزداردىڭ فيلمدەرى مەن كليپتەرى بار. «Arnau tour ENVOY» ءۇشىن بەينەلەر شارىن شاتقالىندا ءتۇسىرىلدى. قوسىمشا تۇسىرىلىمدەر كەيبىر حورەوگرافيالىق ەلەمەنتتەر بار پاۆيلوندا جۇرگىزىلدى. روليك نەگىزى رەتىندە قازاقتىڭ «ءدۇرداراز» ءانى تاڭدالدى.

ديماش پەن قويىلىمنىڭ باسقا دا قاتىسۋشىلارىنىڭ وبرازىن وتاندىق ستيليست انەل نۇراشيەۆا ويلاپ تاپتى. ول ءارتىس پەن شوۋ تۇجىرىمداماسىن تۇيسىنە ءبىلدى جانە بارلىق باعدارلامانى تۇگەلدەي قابىلداۋعا مۇمكىندىك بەرەتىن دۇرىس وبراز جاسادى. بۇل جۇمىسقا باسقا دا قازاقستاندىق ديزاينەرلەر اتسالىسقان.

ديماشتىڭ كومانداسىمەن بىرگە نيۋ- يورككە «استانا بالەت» تەاترىنىڭ ۇجىمى دا بارادى. بۇل ۇجىم مۇشەلەرى 2013 -جىلدان باستاپ قازاقستاندا جانە ودان تىس جەرلەردە ونەر كورسەتىپ، كورەرمەندەردى تاڭ قالدىرۋدا. تەاتر رەپەرتۋارى - جارقىن جانە قايتالانباس تۋىندىلاردان تۇرادى. مۇندا كلاسسيكالىق جانە قازىرگى زامانعى ستيلدەر مەن ۇلتتىق حورەوگرافيانىڭ سينتەزىن بايقاۋعا بولادى.

عارىشتىق شوۋدى قۇرۋعا اتسالىسىپ جاتقان مامانداردىڭ جان- جاقتىلىعى - ديماشتى بار قىرىنان كورسەتەتىندەي. شوۋدىڭ ۇيىمداستىرۋشىلارى كوماندانىڭ كورەرمەن تاراپىنان جوعارى باعا مەن قوشەمەتكە يە بولارىنا سەنىمدى.

«Arnau tour ENVOY» تۇجىرىمداماسىندا 2019 -جىلدىڭ جازىندا نۇر- سۇلتان قالاسىندا وتكەن «ARNAU» كونتسەرتتىك باعدارلاماسىنىڭ ۇزدىك ساتتەرى توپتاستىرىلعان. بۇل كونتسەرت ءارتىستىڭ تۋعان جەرىنە دەگەن ىقىلاسىن كورسەتسە، جاڭا شوۋ ديماشتى قازاق مادەنيەتى مەن الەم مۋزىكاسىنىڭ ەلشىسى رەتىندە تانىتادى.

جاڭا شوۋدىڭ لەيتموتيۆى رەتىندە عارىشتىق تاقىرىپ - شەكسىز كەڭىستىك تاڭدالعان. شوۋدا ەسكى حيتتەرمەن قوسا، وسى شوۋ ءۇشىن ارنايى دايىندالعان جاڭا شىعارمالار ۇسىنىلادى. ديماش قازاق، اعىلشىن، ورىس جانە قىتاي تىلىندە ءان سالادى.

كونسەرتتى ق ر مادەنيەت جانە سپورت مينيسترلىگى ا ق ش- تاعى قازاقستان رەسپۋبليكاسىنىڭ مادەني كۇندەرى اياسىندا ۇيىمداستىرماق. ديماش 19 مىڭ كورەرمەنگە ارنالعان «Barclays Center» ارەناسىندا ونەر كورسەتەدى. كونسەرت بيلەتتەرى 13 - قىركۇيەكتە ساتىلا باستادى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات