+7 (701) 759 90 19
-13 °С : نۇر-سۇلتان
-11 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

اسقار مامين جوشى حاندى ۇلىقتاۋ ءۇشىن ناقتى نە ىستەلەتىنىن ايتتى

15 قازان 14:19
:ءبولىسۋ
اسقار مامين جوشى حاندى ۇلىقتاۋ ءۇشىن ناقتى نە ىستەلەتىنىن ايتتى

نۇر-سۇلتان. قازاقپارات - ۇكىمەت باسشىسى اسقار مامين جوشى حاندى ۇلىقتاۋ ىسىندەگى جۇمىستىڭ بىرنەشە باعىتىن اتادى.

بۇل جۇمىستار تۋرالى پرەمەر- مينيستر ماجىلىسمەن باقىتبەك سماعۇلعا بەرگەن جاۋابىندا تولىعىراق بايان ەتتى، دەپ حابارلايدى قازاقپارات ءتىلشىسى.

«بىرىنشىدەن، جاقىن ارادا وتەتىن نۇر-سۇلتان قالالىق ونوماستيكالىق كوميسسياسىنىڭ وتىرىسىندا ەلوردا كوشەلەرىنىڭ بىرىنە جوشى حاننىڭ اتىن بەرۋ جانە ەسكەرتكىش ورناتۋ ماسەلەسى قارالادى. ەكىنشىدەن، قاراعاندى وبلىسىنىڭ اكىمدىگى 2020 -جىلى قاراعاندىدا جوشى حانعا ەسكەرتكىش ورناتۋدى ۇسىنىپ وتىر. سونىمەن قاتار، اتالمىش اكىمدىك كەلەسى جىلى ۇلىتاۋ اۋدانىندا جوشى حانعا ەسكەرتكىش ورناتپاق. ودان بولەك، قازاقستاننىڭ وڭىرلىك دەڭگەيدەگى تۋريستىك كارتاسى (توپ-50) وبەكتىلەرىنىڭ ءتىزىمىن جاساۋ كوزدەلگەن. اتالعان تىزىمدە « ۇلىتاۋ» تاريحي- مادەني كەشەنى بەلگىلەنگەن، وندا جىلىنا شامامەن 10 مىڭ ادامدى قابىلداي الاتىن كورنەكى ورىندار، تۋريستىك باعىتتار مەن مۋزەي بويىنشا ەكسكۋرسيالار تۋرالى اقپاراتتى قامتيتىن تۋريستىك قىزمەتتەر ۇسىنىلادى»، - دەلىنگەن ۇكىمەت باسشىسىنىڭ جاۋابىندا.

اسقار ماميننىڭ حابارلاۋىنشا، مادەنيەت جانە سپورت مينيسترلىگى جوشى حان مەن الاشا حان كەسەنەسىنىڭ اۋماعىن اباتتاندىرۋ ماسەلەسىن پىسىقتاپ جاتىر. جوسپار بويىنشا، جوشى حان كەسەنەسىنە جاقىن ورنالاسقان جوشى ورداسى قالاشىعى زەرتتەلىپ، ۇلىتاۋ ءوڭىرىنىڭ ارحەولوگيالىق كارتاسى دايىندالماق. سونداي-اق، ق ح ر، يران جانە تۇركيا ارحيۆتەرىنەن الىنعان دەرەكتەر نەگىزىندە سارايشىق قالاشىعىنا بايلانىستى قۇجاتتار جيناعى شىعارىلادى. مينيسترلىك ودان بولەك، حالىقارالىق تۇركى اكادەمياسىمەن بىرلەسىپ 2020-2022 -جىلدارى قوسىمشا ءبىرقاتار ارحەولوگيالىق، ەتنوگرافيالىق، انتروپولوگيالىق، عىلىمي- زەرتتەۋ جانە باسقا دا جۇمىستار جۇرگىزۋدى جوسپارلاپ وتىر.

«تورتىنشىدەن، ۇلىتاۋ ءوڭىرىنىڭ تۋريستىك الەۋەتىن دامىتۋ ءۇشىن الداعى جىلى «التىن وردا» ەكسپەديتسياسىن وتكىزۋ، ۇلىتاۋ وڭىرىندە رەسپۋبليكالىق ماڭىزى بار الاشا حان، جوشى حان، تاريحي جانە مادەني ەسكەرتكىشتەرىنىڭ اۋماعىندا ۆيزيت- ورتالىعى مەن ەتنواۋىل قۇرۋ جوسپارلانۋدا. تۋريستىك باعدارلار مەن سوقپاقتار ازىرلەنىپ، كەمپينگتىك تۇراقتار، تۋريستەرگە باراتىن جەرلەردە سانيتارلىق- گيگيەنالىق توراپتار ورناتىلادى. باسپا ءسوز تۋرلارى اياسىندا جوشى حاننىڭ كەسەنەسىن شەتەل جۋرناليستەرى باراتىن وبەكتىلەر قاتارىنا ەنگىزۋ كوزدەلگەن. بارلىق ءىس-شارالاردىڭ قورىتىندىسى بويىنشا شەتەلدىك ب ا ق-تا، «The Astana Times» گازەتىندە اعىلشىن تىلىندە، قازاقستاننىڭ شەت ەلدەردەگى مەكەمەلەرىنىڭ ينتەرنەت- رەسۋرستارىندا جانە مەملەكەتتىك ورگانداردىڭ رەسمي پورتالدارىندا جاريالانىمدار شىعادى»، - دەيدى ۇكىمەت باسشىسى.

اسقار مامين سونداي-اق، قاراعاندى وبلىسىنىڭ اكىمدىگى قىزىلوردا، جەزقازعان، قاراعاندى، نۇر- سۇلتان، ارقالىق قالالارى مەن ۇلىتاۋ اۋدانى اراسىنداعى جولدارعا جوندەۋ جۇمىستارىن جۇرگىزەتىنىن تىلگە تيەك ەتتى. ونىڭ حابارلاۋىنشا، الماتى- جەزقازعان، شىمكەنت-جەزقازعان باعىتتارى بويىنشا اۆيارەيستەردى ىسكە قوسۋ ماسەلەسى پىسىقتالۋدا.

«بەسىنشىدەن، بيىل وڭىرلىك دەڭگەيدە تاراز، اتىراۋ جانە قاراعاندى قالالارىندا عىلىمي كونفەرەنتسيالار وتكىزۋ جوسپارلانىپ وتىر. شارالار 2020 -جىلى اقمولا وبلىسىنىڭ بۋراباي اۋىلىندا جانە وسكەمەن، پاۆلودار قالالارىندا جالعاسادى. قازىرگى ۋاقىتتا مادەنيەت جانە سپورت مينيسترلىگى ۇلىتاۋ ءوڭىرىنىڭ تاريحي جانە مادەني كەسەنەلەرىن يۋنەسكو دۇنيەجۇزىلىك مۇراسىنىڭ تىزىمىنە ەنگىزۋ ماسەلەسىن پىسىقتاۋدا»، - دەپ حابارلايدى اسقار مامين.

ەسكە سالا كەتسەك، وسىعان دەيىن ءماجىلىس دەپۋتاتى باقىتبەك سماعۇل ەلورداداعى كورنەكتى كوشەلەردىڭ بىرىنە جوشى حان ەسىمىن بەرۋدى ۇسىنعان بولاتىن. ونىڭ سوزىنە قاراعاندا، التىن وردانىڭ 750 جىلدىعى اياسىندا جوشى حان، الاشا حان كەسەنەلەرىنە كەشەندى تۇردە ارحەولوگيالىق، ەتنوگرافيالىق زەرتتەۋ جۇمىستارى جۇرگىزىلگەنى ءجون. كەسەنەدەگى تاڭبالار مەن جازۋلاردى تاريحي، تىلدىك تۇرعىدا زەرتتەپ، رەستاۆراتسيا جانە كونسەرۆاتسيا جۇمىستارىن جۇرگىزۋ قاجەت.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات