+7 (701) 759 90 19
-12 °С : نۇر-سۇلتان
-4 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ەلورداداعى ءتىل تازالىعىن پاتەر يەلەرى كووپەراتيۆى دە جۇرگىزەدى

15 قازان 14:20
:ءبولىسۋ
ەلورداداعى ءتىل تازالىعىن پاتەر يەلەرى كووپەراتيۆى دە جۇرگىزەدى

نۇر-سۇلتان. قازاقپارات - نۇر-سۇلتان قالاسىندا كەڭ اۋقىمدا جۇرگىزىلىپ جاتقان «ءتىل تازالىعى - بارشاعا ورتاق ءىس» جوباسىن ەلوردامىزداعى پاتەر يەلەرى كووپەراتيۆى دە جۇرگىزەتىن بولادى.

وسىعان بايلانىستى كەزەكتى جيينالىس بۇگىن ەلوردانىڭ الماتى اۋدانى اكىمدىگىندە ءوتتى. وعان الماتى اۋدانى اكىمىنىڭ ورىنباسارى سامات ۇلى ماقسات، قالالىق تىلدەردى دامىتۋ جانە ارحيۆ ءىسى باسقارماسىنىڭ ماماندارى مەن ساراپشى توپ وكىلدەرى جانە پاتەر يەلەرى كووپەراتيۆىنىڭ باسشىلارى قاتىستى. باسقوسۋدا قالالىق تىلدەردى دامىتۋ جانە ارحيۆ ءىسى باسقارماسىنىڭ باس مامانى ايگۇل يمانعالي پيك باسشىلارىنا جوبانىڭ ماقساتى مەن زاڭ تالاپتارىن تولىق ءتۇسىندىردى.

- بۇگىنگى كۇنى پاتەر يەلەرى كووپەراتيۆىنە قارايتىن تۇرعىن ۇيلەردىڭ اۋماعىندا، كىرەبەرىستەردە، ليفتىلەردە مەملەكەتتىك تىلگە بايلانىستى كوپتەگەن زاڭ بۇزۋشىلىقتار بار. كوبىنەسە تەك رەسمي تىلدە عانا اقپارات بەرىلەدى. ءبىز بىرىگە وتىرىپ وسى ماسەلەنى رەتكە كەلتىرۋىمىز كەرەك. سىزدەر وزدەرىڭىزگە قاراستى ۇيلەردەگى جارناما جانە وزگە دە كورنەكى اقپاراتتى ورنالاستىرۋ بارىسىن قاتاڭ قاداعالاپ ولاردىڭ مەملەكەتتىك ءتىل زاڭىنا ساي بولۋىن تالاپ ەتۋلەرىڭىز ءتيىس، ويتكەنى بۇل سىزدەردىڭ تىكەلەي مىندەتتەرىڭىز، - دەدى ايگۇل عيزات قىزى.

جيىندا قالالىق تىلدەردى دامىتۋ جانە ارحيۆ ءىسى باسقارماسىنىڭ مامانى گۇلجان قۇرمانعالي قىزى ۇيلەرگە ورنالاساتىن ءتۇرلى جارناما جانە كورنەكى اقپاراتتار قالالىق ساۋلەت قۇرىلىسى جانە جەر قاتىناستارى باسقارماسىنىڭ بەكىتۋىنەن ءوتۋى كەرەكتىگىن ايتتى. زاڭسىز ورنالاسقان، جارناما، اقپارات نىساندارى يەلەرىنە مەملەكەتتىك كىرىس باسقارماسى تاراپىنان ايىپپۇل سالىناتىنىن ەسكەرتتى. ال، مەملەكەتتىك تىلدە جازۋعا بايلانىستى كومەك قاجەت بولسا باسقارما ماماندارى دايىن ەكەنىن، ارناۋلى ءبولىم قىزمەتكەرلەرى قاتە- دۇرىسىن تەكسەرىپ بەرەتىنىن جەتكىزدى.

- سىزدەر الدىمەن ءتىل تازالىعىن ءوز كەڭسەلەرىڭىزدەن باستاڭىزدار، ارى قاراي باسقا زاڭ بۇزۋشىلىقتارلى رەتكە كەلتىرۋگە بولادى - دەدى گۇلجان قۇرمانعالي قىزى پ ي ك باسشىلارىنا.

جينالىسقا قاتىسۋشىلاردىڭ دەنى جوبانىڭ ءمان- ماقساتىن ۇعىنىپ، وڭ تۇسىنىستىك تانىتتى. كەيبىر قاتىسۋشىلار جارناما ورنالاستىرۋ، اقپاراتتار مەن حابارلاندىرۋلار جازۋدىڭ ۇلگىسى نە دايىن تەتىگى بولۋ كەرەكتىگىن العا تارتتى.

- بۇنىڭ ءبارى قازاقستان رەسپۋبليكاسىنىڭ ءتىل تۋرالى زاڭىندا انىق جازىلعان، وسىنشا ۋاقىتتان بەرى سونى تۇسىنبەي، ءالى دە تالاپ قويىپ، ءبارىن دايىنداپ بەرۋدى سۇراۋ دۇرىس ەمەس. سىزدەر كەرىسىنشە بىزبەن تىزە قوسىپ، اكسياعا ءۇن قوسۋلارىڭىز كەرەك. ويتكەنى، مەملەكەتتىك ءتىل زاڭىن ساقتاۋ - قازاقستاندا تۇراتىن ءاربىر ازاماتتىڭ بورىشى، - دەدى ايگۇل عيزات قىزى.

- «ءتىل تازالىعى - بارشاعا ورتاق ءىس» جوباسى قالا اكىمىنىڭ ارنايى قاۋلىسىمەن بەكىتىلگەن. ءبىز بۇنى قولداپ- قۋاتتاۋعا دايىنبىز. قاجەتتى مامانداردى جىبەرىپ، اكسيا جۇمىسىنا بارلىق جاقتان كومەك بەرەمىز، - دەدى الماتى اۋدانىڭ اكىمىنىڭ ورىنباسارى سامات ۇلى ماقسات.

پاتەر يەلەرى كووپەراتيۆى باسشىلارىنا وزدەرى قاداعالايتىن اۋماقتا ءتىل تازالىعىن جۇرگىزۋگە ەكى اپتا ۋاقىت بەرىلدى. ارى قاراي جۇمىسشى توپ اتقارىلعان جۇمىستار بويىنشا تەكسەرۋ جۇرگىزەتىن بولادى. ايتا كەتەيىك، پ ي ك باسشىلارىمەن جۇمىس قالانىڭ قالعان ءۇش اۋدانىندا دا جۇرگىزىلىپ جاتىر.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات