الماتىدا تاعى دا جىلۋ قۇبىرى جارىلدى

الماتى. قازاقپارات - الماتىدا جىلۋ قۇبىرى جارىلدى. اۆتوكولىكتەر زاقىمداندى، دەپ حابارلايدى قازاقپارات ءتىلشىسى.

توتەنشە جاعداي رايىمبەك داڭعىلى بويىندا ورنالاسقان «ماكسيما» ساۋدا ءۇيىنىڭ جانىندا ورىن الدى.

«قازىر جاعداي باقىلاۋعا الىندى. بۇل - 1997 -جىلى سالىنعان ەسكى قۇبىر. 22 جىلدان استام ۋاقىت جۇمىس ىستەدى. وندا حالىق از ورنالاسقان. جاراقات العاندار جوق. قازىر قالپىنا كەلتىرۋ جۇمىستارى ءجۇرىپ جاتىر. اۆتوتۇراقتاعى كولىكتەر زاقىمداندى. كولىك يەلەرىنە «الماتى جىلۋ جەلىلەرى» مەكەمەسى زاڭعا سايكەس وتەماقى تولەيدى»، - دەدى الماتى قالالىق تۇرعىن ءۇي كوممۋنالدىق شارۋاشىلىق كاسىپورنىنىڭ وكىلى يان گيرين

ەستەرىڭىزگە سالا كەتەيىك، كەشە الماتىدا جىلۋ قۇبىرى جارىلىپ، كوشەلەردى ىستىق سۋ باسقان بولاتىن. كەيىن الماتى اكىمدىگى جىلۋ جەلىسىنىڭ جارىلۋ سەبەبىن ءتۇسىندىردى .

سونداي-اق، اكىمدىك جارىلعان جىلۋ قۇبىرى قاشان جوندەلەتىنىن ايتتى.

اۆتور: الما مۇقانوۆا