قانداي ىدىستار دەنساۋلىققا زيان؟

None
None
نۇر-سۇلتان. قازاقپارات - اۋرۋ استان ەكەنى بەلگىلى. ءبىراق كەيدە اس ىشەتىن ىدىستاردىڭ دا دەنساۋلىققا كەرى اسەرى سەزىلىپ جاتادى.

ەندەشە قانداي ىدىستاردىڭ دەنساۋلىققا زيان ەكەنىن بىلە ءجۇرىڭىز.

قازىرگى قوعامدا ادامعا پايداسىمەن قوسا زيانى قاتار تيەتىن زاتتار از ەمەس. ولاردى ءبىر-بىرىنەن اجىراتۋ مۇمكىن ەمەس. اسىرەسە، اس ءۇي حانشايىمدارى ىدىس-اياقتاردى تاڭداۋدا جاڭىلاسپاۋ كەرەك. ولارعا كەڭەس رەتىندە دەنساۋلىققا زيان ىدىس- اياقتاردى ۇسىنامىز.

مەلاميندى ىدىستار دەنساۋلىققا %100 زيان. ۇزىنقۇلاققا سەنسەك، ءوندىرۋشى مەملەكەتتەردىڭ وزدەرى قولدانبايدى، تەك شەت ەلگە شىعارادى. ول ءبىر قاراعاندا فارفور ىدىسقا وتە ۇقسايدى. ءبىراق، فارفوردان الدەقايدا جەڭىلدىگىنىڭ ارقاسىندا جىلدام اجىراتۋعا بولادى.

مەتالل ىدىستار.

مۇنداي ىدىستارعا ىستىق سورپا نەمەسە شىرىن قايناتقان كەزدە مەتالل يوندارى ءبولىنىپ شىعادى. مەتالل ىدىستاردىڭ ىشىنە سىزات تۇسىرمەۋگە، دايىن تاعامداردى ساقتاماۋعا كەڭەس بەرەمىز. سەبەبى، يوندار ىدىستاعى تاماققا، ارتىنشا ورگانيزمگە ءتۇسۋى مۇمكىن. سونىمەن قاتار نيكەل مەن حروم يونىن ءبولىپ شىعارۋ قاۋپى بار.

اليۋميني ىدىستار.

زەرتتەۋ ناتيجەسى بويىنشا اليۋميني ىدىس تۇزبەن، اس سوداسىمەن ارەكەتتەسكەن كەزدە حيميالىق قاسيەتىن وزگەرتەدى. وسىعان بايلانىستى اليۋميني ىدىستا شي، ورامجاپىراق، ءتۇرلى كيسەل، كومپوت، بۇقتىرىلعان، قۋىرىلعان كوكونىستەر، جۇقالتىر قاعازداعى (فولگا) تاعام پىسىرۋگە بولمايدى. ىدىستى جاساۋشى كومپانيالار بەتىنە وكسيدتى جابىندى قاپتالاتىنىن ايتادى. الايدا، اليۋميني يوندارى بۇل جابىندى قانشالىقتى ءتوزىمدى ەكەنىنە قاراماستان تاماقتىڭ ىشىنە تۇسەدى. اليۋميني اعزاعا كوپ مولشەردە جينالىپ، ناتيجەسىندە سوزىلمالى اۋرۋعا شالدىقتىرادى.

توت باسپايتىن بولات.

ونى كۇندەلىكتى تۇرمىستا پايدالانعان جاعدايدا تاماق ارقىلى ادام اعزاسىنا اللەرگيا شاقىراتىن نيكەل تۇسەدى.

پلاستماسسا ىدىستار.

قازىرگى كەزدە تۇتىنۋداعى ەڭ كوپ قوللدانىلاتىن ىدىس ءتۇرى وسى پلاستماسسادان جاسالعان ىدىستار. دەگەنمەن، بۇل اياق-تاباقتاردىڭ اراسىنداعى «بىلقىلداق دەنەلىلەردىڭ» زيانىن تىلمەن ايتىپ جەتكىزۋ قيىن.

ولاردىڭ قۇرامىنداعى حيميالىق زاتتاردىڭ ادام اعزاسىنا زيانى اتوم بومباسىنان قاۋىپتىرەك. ءبىر رەت قانا پايدالانۋعا قولايلىلىعى ءۇشىن الەمدە ەڭ كوپ وندىرىلەتىن بۇل ىدىستاردىڭ ادام اعزاسىنا تيگىزەر زيانىنىڭ سىرتىندا، ولاردىڭ قورشاعان ورتاعا جاسايتىن كەرى اسەرى جۇزدەگەن جىلدارعا جالعاسادى ەكەن.


سوڭعى جاڭالىقتار