ءبىر وتىنىشپەن عانا الۋعا بولاتىن مەملەكەتتىك قىزمەتتەر سانى كوبەيەدى

None
None
نۇر-سۇلتان. قازاقپارات - كومپوزيتتى تۇردە كورسەتىلەتىن قىزمەت تۇرلەرى كوبەيەدى.

بۇدان بىلاي قاندايدا ءبىر مەملەكەتتىك قىزمەتتى الۋ ءۇشىن تولتىرىلاتىن ءوتىنىش سانى ازايتىلادى، دەپ حابارلايدى قازاقپارات «ازاماتتارعا ارنالعان ۇكىمەت» كورپوراتسياسىنىڭ باسپا ءسوز قىزمەتىنە سىلتەمە جاساپ.

2020 -جىلى قىزمەت كورسەتۋ پروتسەسىن وڭتايلاندىرۋ ءۇشىن 55 ءتۇرلى مەملەكەتتىك قىزمەت 21 ءتۇرلى كومپوزيتتىك قىزمەتكە بىرىكتىرىلەدى دەپ جوسپارلانىپ وتىر.

«مۇنداي قىزمەتتەردىڭ ىشىندە جەر اكتىسىن الۋ قىزمەتى ۇلكەن سۇرانىسقا يە دەپ ويلايمىن. ماسەلەن، ءقازىر بۇل قىزمەتتى الۋ ءۇشىن 4 ءتۇرلى ءوتىنىش جازۋ كەرەك. 2020 -جىلدان باستاپ، بۇل اكتىلەردىڭ بارلىعى بىرىكتىرىلىپ، «سايكەستەندىرۋ قۇجاتتارىن ازىرلەۋ جانە بەرۋ» سياقتى ءبىر قىزمەت ارقىلى قولجەتىمدى بولادى. بۇعان دەيىن ءبىز زەينەتكەرلىككە بايلانىستى تولەمدەردى تاعايىنداۋ بويىنشا بارلىق قىزمەتتى كومپوزيت قىزمەتىنە بىرىكتىرگەنبىز»، - دەيدى مەملەكەتتىك كورپوراتسيانىڭ باسقارما ءتورايىمى اسەمگۇل بالتاشەۆا.

ايتا كەتەيىك، زەينەتكەرلىك تولەمدەردى ءبىر عانا وتىنىشپەن تاعايىنداۋعا مۇمكىندىك بەرەتىن قىزمەت ءبىر جىل بۇرىن ىسكە قوسىلعان، سودان بەرى كومپوزيتتى تۇردە 99,2 زەينەتاقى تاعايىندالعان. بۇعان دەيىن زەينەت جاسىنا جەتكەن ازامات ح ق و-عا كەلىپ جاسىنا بايلانىستى جانە بازالىق زەينەتاقىنى تولەۋ بويىنشا 2 ءوتىنىش بەرەتىن، ءارى ءبىر ايدان كەيىن قايتادان مەملەكەتتىك كەپىل تولەم جاساۋ تۋرالى ءوتىنىش جازىپ، كەيىن ءبىرىڭعاي جيناقتاۋشى زەينەتاقى قورىنا بارىپ، تاعى ءبىر ءوتىنىش تولتىراتىن. ەندى وسى 4 قىزمەت ءۇشىن ح ق و- عا ءبىر-اق رەت بارىپ، ءبىر عانا ءوتىنىش جازۋ جەتكىلىكتى.

سوڭعى جاڭالىقتار