استانادا العاش رەت ءتىل فورۋمى وتەدى
ق ر مادەنيەت جانە سپورت مينيسترلىگى ءتىل ساياساتى كوميتەتى ش. شاياحمەتوۆ اتىنداعى «ءتىل-قازىنا» ۇلتتىق عىلىمي- پراكتيكالىق ورتالىعىنىڭ ۇيىمداستىرۋىمەن وتەتىن فورۋمعا زاڭ، بيزنەس، ءبىلىم، عىلىم جانە ب ا ق سالاسىنىڭ وكىلدەرى قاتىسىپ، وندا لاتىنگرافيكالى جاڭا ءالىپبي نەگىزىندە قازاق ءتىلىن جاڭعىرتۋدىڭ وزەكتى ماسەلەلەرى تالقىلانباق. بۇل تۋرالى قازاقپارات ورتالىقتىڭ باسپا ءسوز قىزمەتىنە سىلتەمە جاساپ حابارلايدى.
شارانىڭ نەگىزگى ماقساتى جاڭا ءالىپبي نەگىزىندە جاڭعىرعان قازاق ءتىلىنىڭ قازىرگى زامان سۇرانىسىنا ساي ومىرشەڭدىگىن ارتتىرۋ جولدارىن انىقتاۋ بولىپ وتىر. بۇل رەتتە قازاقستان رەسپۋبليكاسىنداعى كەز كەلگەن زاڭ جوبالاۋ جۇمىستارىنىڭ ءماتىنىن الدىمەن مەملەكەتتىك تىلدە ازىرلەۋدى ۇيىمداستىرۋ، بيزنەستى قازاقشالاندىرۋ، ءبىلىم بەرۋ جۇيەسىن لاتىن الىپبيىنە كوشىرۋ، عىلىمداعى قازاق ءتىلىنىڭ قولدانىسىن كەڭەيتۋ، ساپاسىن ارتتىرۋ، ب ا ق-تاعى قازاق ءتىلدى كونتەنت ساپاسىن ارتتىرۋ، جاستار اراسىندا قازاق ءتىلىن برەندكە اينالدىرۋ ماسەلەلەرى قوزعالادى.
فورۋم بارىسىندا، سونداي-اق جاڭا ءالىپبي مەن قازاق ءتىلىن وڭاي ءارى ءتيىمدى جولمەن ۇيرەتەتىن زاماناۋي ينتەراكتيۆتى قۇرالداردىڭ كورمەسى وتەدى. مۇندا «ءتىل- قازىنا» ورتالىعى ازىرلەگەن جاڭا IT- جوبالار تانىستىرىلىپ، كوپشىلىكتىڭ قولدانىلۋىنا ۇسىنىلادى.
بۇدان بولەك، فورۋم اياسىندا 6 سەكسيا بويىنشا جۇمىس جاسايتىن عىلىمي كونفەرەنسيا وتكىزىلىپ، نۇر- سۇلتان، الماتى، شىمكەنت قالالارى مەن 14 وڭىردەگى تىلدىك احۋالدى جاقسارتۋ بويىنشا ۇيلەسىمدى جۇمىستى جوسپارلاۋعا ارنالعان وڭىرلىك ءتىل باسقارمالارىنىڭ باسقوسۋى ۇيىمداستىرىلادى.
«ءىس- شارانىڭ ناتيجەسىندە جاڭا ءالىپبي ەملەسىنە قاتىستى جۇرت كوكەيىندە جۇرگەن ساۋالدارعا ناقتى جاۋاپ بەرىلەدى. مەملەكەتتىك ءتىلدىڭ زاڭناماسىن جەتىلدىرۋ، بيزنەس، عىلىم، ءبىلىم، باق- تاعى قازاق ءتىلىنىڭ قولدانىسىن كەڭەيتۋگە، مادەنيەتىن ارتتىرۋعا قاتىستى ناقتى ۇسىنىستار كورسەتىلگەن قارار قابىلدانىپ، جاۋاپتى قۇزىرلى ورگاندارعا جىبەرىلەدى»، - دەلىنگەن باسپا ءسوز بايانىندا.
اۆتور: قانات مامەتقازى ۇلى