قوجا احمەت ياساۋي كەسەنەسىنە كىرۋدىڭ جاڭا جۇيەسى ەنگىزىلدى

تۇركىستان. قازاقپارات - تۇركىستانداعى قوجا احمەت ياساۋي كەسەنەسىنە كىرۋدىڭ جاڭا جۇيەسى ەنگىزىلدى.

بۇل جاڭاشىلدىقتى وبلىس اكىمى ءومىرزاق شوكەيەۆ سىناقتان وتكىزىپ كوردى، دەپ حابارلايدى قازاقپارات ءتىلشىسى.

اتاپ ايتقاندا كەسەنەگە كەلۋشىلەردىڭ جايلىلىعى ءۇشىن كىرۋ بيلەتتەرىن سايت ارقىلى ونلاين ساتىپ الۋ جانە تەرمينالدار اركىلى بيلەتتەر الۋ مۇمكىنشىلىگى جاسالىپ وتىر.

سونداي-اق، تۋرنيكەتتەرگە QR- كود سكان ارقىلى كىرۋ مۇمكىندىگى ەنگىزىلدى. جاڭا جۇيەمەن العاشقىلاردىڭ ءبىرى بولىپ تانىسقان ايماق باسشىسى ونىڭ وتە ىڭعايلى ەكەنىن اتاپ ءوتتى. ايتا كەتەيىك، تۋريستەر ءۇشىن جاسالعان جاڭا مۇمكىندىك «سيفرلىق قازاقستان» مەملەكەتتىك باعدارلاماسى اياسىندا قر مادەنيەت جانە سپورت مينيسترلىگىمەن كەلىسە وتىرىپ جۇزەگە اسىپ وتىر.

ەندىگى جەردە، كەسەنەگە كىرۋ بيلەتتەرىن سايت ارقىلى (pay.azretsultan.kz) ساتىپ الۋعا جانە تەرمينالدار اركىلى قول جەتكىزۋگە بولادى. سونداي-اق، تۋريست بيلەتتەردى تۋرينيكەتتەرگە QR-كودىن سكان جاساپ كىرە الادى.

ال، كەلۋشىلەردىڭ سانىن باقىلاۋ بويىنشا تولىق ساراپتاما جۇرگىزۋ ءۇشىن ارنايى كامەرالار ورناتىلدى. مۇنىڭ بارلىعى كەلگەن ساياحاتشىلاردىڭ ساناعىن جۇرگىزۋگە، ولاردىڭ تۋريستىك نىساندارد كورۋدەگى ەموتسياسىن باقىلاۋعا مۇمكىندىك بەرمەك.