ىشىمدىك ءىشىپ كولىك جۇرگىزگەن، رولدە تەلەفونمەن سويلەسكەن جۇرگىزۋشىلەر ۇستالدى

None
None
اقتوبە. قازاقپارات - «اۆتوبۋس» رەسپۋبليكالىق جەدەل الدىن الۋ شاراسى كەزىندە اقتوبەدە 495 اكىمشىلىك قۇقىقبۇزۋشىلىق انىقتالدى، دەپ حابارلايدى قازاقپارات ءتىلشىسى.

قازاننىڭ 10-17 ى ارالىعىندا «اۆتوبۋس» رەسپۋبليكالىق جەدەل الدىن-الۋ شاراسى وتكىزىلىپ جاتىر. العاشقى ءتورت كۇندە وبلىس بويىنشا جولاۋشىلاردى تاسىمالداۋ باعىتىندا 495 اكىمشىلىك قۇقىقبۇزۋشىلىق انىقتالدى. ونىڭ ىشىندە زاڭسىز تاسىمالداۋدىڭ ءتورت فاكتىسى تىركەلدى.

سونىمەن قاتار، كولىك باسقارۋ كەزىندە ۇيالى تەلەفون قولدانۋ بويىنشا 80 قۇقىقبۇزۋشىلىق، 60 تان اسا مانيەۆر ەرەجەسىن بۇزۋ، 23 ەڭبەك پەن دەمالىس رەجيمىن، 63 جولاۋشىلار مەن جۇك تاسىمالداۋ ەرەجەسىن بۇزۋ فاكتىسى انىقتالدى.

«سامارا- شىمكەنت» تاس جولىنىڭ 838 شاقىرىمىندا پوليتسەيلەر ىشىمدىك ىشكەن كۇيدە ايداعان اۆتوبۋس جۇرگىزۋشىسىن توقتاتتى. ونىڭ سالونىندا ەشكىم بولمادى. جۇرگىزۋشىنى كولىك باسقارۋ قۇقىعىنان ايىرۋ ءۇشىن ءىس سوتقا جولداندى»، - دەپ حابارلادى وبلىستىق پ د باسپا ءسوز قىزمەتى.

ايتا كەتەيىك، جەدەل الدىن الۋ شاراسى اياسىندا پوليتسيا قىزمەتكەرلەرى جولداعى ءتارتىپ ساقشىلارىنىڭ سانىن كوبەيتىپ، ورەسكەل زاڭبۇزۋشىلىقتاردى انىقتاۋ، سونىڭ ىشىندە زاڭسىز تاسىمالداۋشىلار بويىنشا قوعامدىق جانە كولىك ينسپەكسياسى وكىلدەرىنەن تۇراتىن ءموبيلدى توپ قۇردى.

اۆتوبۋس جۇرگىزۋشىلەرىندە ءتيىستى قۇجاتتاردىڭ، سونىڭ ىشىندە، كوشى-قون باسقارماسى مەن كولىكتىك باسقارۋ ينسپەكتسياسىمەن بىرلەسىپ، جولاۋشىلاردى تاسىمالداۋ قۇقىعىنا يە قۇجاتتاردىڭ بولۋىنا، زاڭسىز تاسىمالداۋشىلاردى، شەتەلدىك تىركەۋى بار اۆتوبۋستاردى انىقتاۋعا نازار اۋدارىلۋدا.

تەحنيكالىق جاعدايى مەن قۇرىلىمىنىڭ قابىلدانعان قاۋىپسىزدىك تالاپتارىنا سايكەس كەلمەيتىن قايتا زاڭسىز جابدىقتالعان اۆتوبۋستاردى، اۆتوبۋس- تاكسيلەردى قولدانۋعا تىيىم سالىناتىن شارالار قابىلداندى.

سونداي-اق، جۇرگىزۋشىلەردىڭ جىلدامدىق رەجيمىن قاداعالاۋعا، باسىپ وزۋ، مانەۆر جاساۋ، قارسى ءجۇرىپ ءوتۋ، جاياۋ جۇرگىنشىلەر وتكەلدەرىنىڭ ءوتۋ ەرەجەلەرىن جانە بالالاردى وقۋ ورىندارىنا تاسىمالدايتىن اۆتوبۋستاردىڭ تەحنيكالىق جاي-كۇيىنە ەرەكشە كوڭىل بولىنەدى. پوليتسيا قىزمەتكەرلەرى كولىك قۇرالدارىنىڭ تەحنيكالىق جاعدايىن، اۆتوبۋس پاركتەرىنەن شىعۋ كەزىندە رەيس الدىنداعى تەحنيكالىق جانە مەديتسينالىق تەكسەرۋدەن ءوتۋىن باقىلاۋدى ۇيىمداستىرادى.

جىل باسىنان بەرى وبلىستا قوعامدىق كولىكتەردىڭ قاتىسۋىمەن 25 جول-كولىك وقيعاسى بولدى. كولىك وقيعاسى كەزىندە 34 ادام جارالانعان. جەرگىلىكتى پوليتسيا باسقارماسى جولاۋشىلار كولىگى مەكەمەسىنىڭ باسشىلارىمەن، ينجەنەرلىك جانە جۇرگىزۋشى قۇرامىمەن كەزدەسۋ ۇيىمداستىردى. شارانىڭ نەگىزگى ماقساتى - جولاۋشىلار تاسىمالىن جۇزەگە اسىراتىن جۇرگىزۋشىلەر اراسىندا كولىك ءتارتىبىن ارتتىرۋ، قوعامدىق كولىكتىڭ قاتىسۋىمەن بولاتىن جول- كولىك وقيعالارىن انىقتاۋ، ونىڭ الدىن الۋ.

اۆتور: التىناي ساعىندىقوۆا

سوڭعى جاڭالىقتار