تارازدا بالانىڭ كوزىنشە يت اتتى دەگەن قىزمەتكەردىڭ باسى داۋعا قالدى
وقيعا قالاداعى ۇيلەردىڭ بىرىندەگى بەينەباقىلاۋ كامەراسىنا ءتۇسىپ قالعان. بەينەتۇسىرىلىمنەن قولىنا قارۋ ۇستاعان ەر ادامنىڭ يت پەن كىشكەنتاي قىزدى اينالشىقتاپ، كەيىن جانۋاردى سۇيرەپ الىپ بارا جاتقانىن انىق كورۋگە بولادى. ونىڭ بۇل ارەكەتى جەلىدە قىزۋ تالقىلاندى.
قالالىق ۆەتەريناريا ءبولىمىنىڭ مالىمەتىنشە، ماماندار وندا تۇرعىنداردىڭ شاقىرتۋىمەن ارنايى بارعان. ال ءيتتى باسقا جەردە اتقان كورىنەدى. ايتۋلارىنشا، قالادا ادامداردى يت تىستەۋ دەرەگى كوبەيگەن. جىل باسىنان بەرى 1200 وقيعا تىركەلىپ، 9 مىڭنان استام قاڭعىباس يت اتىلىپتى.
«كوشەدە جۇرەتىن جانۋاردى اۋلاعىشتى شاقىرىپ، تۇسىنىكتەمە الدىق. قالا بويىنشا قازىرگى تاڭدا ءۇش بريگادا جۇمىس ىستەۋدە. تاراز قالاسى بويىنشا مۇنداي جاعدايلار تاعى دا قايتالانباس ءۇشىن ارقايسىسىمەن تۇسىنىكتەمە جۇمىستارى جۇرگىزىلەدى. جۇرت تالقىسىنا تۇسكەن وقيعاداعى قىزمەتكەر قۇزىرلى ورگاندارمەن كىنالى دەپ تانىلسا، جۇمىستان قۋىلادى»، - دەيدى قالالىق ۆەتەريناريا ءبولىمىنىڭ باسشىسى انۋاربەك قالتايەۆ.
اۆتور: عيبرات سەمباي