ياساۋي كەسەنەسىندە ەرىكتى گيدتەر جۇمىس ىستەي باستادى
جوباعا قاتىساتىن ەرىكتىلەر كەلۋشى قوناقتار مەن تۋريستەرگە گيد - نۇسقاۋشى قىزمەتتەرىن كورسەتەتىن بولادى.
ق ر مادەنيەت جانە سپورت مينيسترلىگى جانە تۇركىستان وبلىسى اكىمدىگىنىڭ ۇيىمداستىرۋىمەن قولعا الىنعان جوبانىڭ باستى ماقساتى - تۇركىستانعا كەلگەن تۋريستەردى ساپالى ءارى شىنايى اقپاراتپەن قامتاماسىز ەتۋ جانە ستۋدەنت جاستاردى الداعى ۋاقىتتا تۋريزم سالاسىندا جۇمىس جاساۋىنا ىنتالاندىرۋ.
قاتىسۋشىلار بىركەلكى ادىستەمەمەن جاسالعان اقپاراتپەن جانە ەلەكترلى ساماكاتپەن جابدىقتالعان. ەرىكتىلەر «ازىرەت سۇلتان» قورىق-مۋزەيىنە قاراستى اۋماقتا قىزمەت اتقاراتىن بولادى. ولار ق ر اقپارات جانە قوعامدىق دامۋ مينيسترلىگىنىڭ «الەۋمەتتىك ستۋدەنتتىك كرەديت» جوباسى اياسىندا 20 ساعاتقا - 20000 تەڭگە نەمەسە 2 اكادەميالىق ساعاتتى جابۋعا مۇمكىندىگى بار.
قازىرگى تاڭدا، «Ask Me, I am local» جوباسىنا قوجا احمەت ياساۋي اتىنداعى ح ق ت ۋ- دىڭ 20 ستۋدەنتى ەرىكتى تۇردە قاتىسۋدا، الداعى ۋاقىتتا ەرىكتىلەر سانىن 3 ەسە اسىرۋ جوسپارلانىپ وتىر.
