ەلباسى قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن كەزدەستى

نۇر-سۇلتان. قازاقپارات - ەلباسى قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن كەزدەستى، دەپ حابارلايدى ق ر تۇڭعىش پرەزيدەنتىنىڭ رەسمي سايتى.

كەزدەسۋ بارىسىندا نۇرسۇلتان نازاربايەۆ تۇركى ينتەگراتسياسىن ودان ءارى تەرەڭدەتۋدىڭ ەرەكشە ماڭىزدىلىعىن اتاپ ءوتتى.

- قازاقستان تۇركى الەمىنىڭ بارلىق ەلدەرىمەن سەرىكتەس. مەن كەڭەستىڭ كوپتەگەن ينستيتۋتتارىن قۇرۋعا باستاماشى بولدىم. ەڭ ماڭىزدىسى - ەلدەرىمىز اراسىنداعى بەيبىتشىلىك پەن كەلىسىمدى قامتاماسىز ەتۋ، - دەدى ەلباسى.

ءوز كەزەگىندە سوورونباي جەەنبەكوۆ قازاقستاننىڭ تۇڭعىش پرەزيدەنتىنىڭ تۇركى ەلدەرى اراسىنداعى ىنتىماقتاستىقتى نىعايتۋعا قوسقان ۇلەسىن اتاپ ءوتىپ، ەلباسىنىڭ تۇركى تىلدەس مەملەكەتتەردىڭ ىنتىماقتاستىعى كەڭەسىنىڭ قۇرمەتتى ءتوراعاسى مارتەبەسىنە يە بولۋىمەن قۇتتىقتادى.