باكۋدە تۇركى كەڭەسىنە مۇشە ەلدەردىڭ س ءى م باسشىلارى ءبىرقاتار قۇجاتقا قول قويدى
كەزدەسۋدە مينيسترلەر مەملەكەت باسشىلارى كەڭەسىنىڭ وتىرىسىندا قول قويۋى جوسپارلانىپ وتىرعان كۇن تارتىبىندەگى جوبالار مەن قۇجاتتاردى كەلىستى.
كەزدەسۋ قورىتىندىلارى بويىنشا باكۋدە مينيسترلەر بۋداپەشت قالاسىندا (ۆەنگريا) 2019 -جىلعى 19 - قىركۇيەكتە اشىلعان تۇركى كەڭەسى وكىلدىگىنىڭ قىزمەتىن رەتتەيتىن بىرنەشە قۇجاتقا قول قويدى.
مينيسترلەردىڭ شەشىمىمەن ۆەنگريا رەسپۋبليكاسىنا تۇركى مادەنيەتى مەن مۇراسى قورىنىڭ جانىنداعى باقىلاۋشى مارتەبەسى بەرىلدى.
ەسكە سالايىق، تۇركى تىلدەس مەملەكەتتەر ىنتىماقتاستىق كەڭەسى قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ باستاماسىمەن 2009 -جىلى ناحىچيەۆان قالاسىندا (ازەربايجان) قۇرىلعان. تۇركى كەڭەسىنىڭ حاتشىلىعى - ىستانبۇل (تۇركيا) قالاسىندا. 7- سامميتتىڭ قورىتىندىلارى بويىنشا، وزبەكستان قوسىلعاننان كەيىن كەڭەسكە مۇشە ەلدەر سانى بەسكە جەتەدى (ازەربايجان، قازاقستان، قىرعىزستان، تۇركيا، وزبەكستان).
بەكباۋ تايمانوۆ