+7 (701) 759 90 19
-12 °С : نۇر-سۇلتان
-4 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ومىردە قاجەت بولاتىن بىرنەشە كەڭەس

14 قازان 22:29
:ءبولىسۋ
ومىردە قاجەت بولاتىن بىرنەشە كەڭەس

نۇر-سۇلتان. قازاقپارات - باقىتتى بولۋ - ءبىزدىڭ ومىرلىك ماقساتىمىز. ءبىراق كەيدە ءومىر اشىق ءتۇستى بوياۋلارىن جوعالتىپ، ناشار كوڭىل كۇي ۇزاققا سوزىلىپ كەتەدى.

مازاسىز ويلار تىنىم بەرمەيدى. مۇڭايماڭىز، ءبىز سىزدەرگە ءومىر ءسۇرۋدى جەڭىلدەتەتىن 6 كەڭەس ۇسىنامىز. ولارعا كۇندە 5-10 مينۋت ۋاقىتىڭىزدى ءبولۋ جەتكىلىكتى.

2 مينۋتتىق ءىستى كەيىنگە قالدىرماڭىز

اياقتالماعان شارۋالار ءبىزدىڭ ەنەرگيامىزدى «سورىپ» الادى. ءبىر قاراعاندا اياقتالماعان ۇساق- تۇيەك ىستەر اسا ءبىر پروبلەما ەمەستەي كورىنەدى. ءبىراق ولاي ەمەس. جۋىلماعان ىدىس، جينالماعان توسەك، اياقتالماعان جوندەۋ جۇمىستارى - بۇلاردىڭ بارلىعى جينالىپ، ءومىرىڭىزدى رەتسىز ەتەدى. تۇرمىستىق ماسەلەلەر بىرتىندەپ كەڭسە جۇمىسىنا كوشەدى. ناتيجەسىندە، وقىلماعان حاتتارعا تولى پوشتا، باسىپ شىعارىلماعان قۇجاتتار جانە ت. ب سۇراقتار جاۋاپسىز جينالا بەرەدى. بۇل جۇمىسقا قابىلەتتىلىگىڭىزدى تۇسىرەدى. قورىتىندى: «2 مينۋت» ەرەجەسىنىڭ ارقاسىندا قازىرگى كەزەڭدى ءوز جاقتاسىڭىزعا اينالدىراسىز.

باقىلاۋدا ۇستاي المايتىن نارسەلەرگە كوڭىل بولمەڭىز

ءبىز نەنى باقىلاي المايمىز؟ ادامدار اۋا رايى، باسقالاردىڭ پىكىرى، عالامدىق ەكونوميكالىق داعدارىس (نەمەسە پروگرەسس) جانە ءومىر تەمپىنىڭ وزگەرىسىن باقىلاۋدا ۇستاي المايدى. ءبىراق نەگاتيۆتى قارىم- قاتىناس پەن ورىنسىز پىكىرگە دەگەن ءوز رەاكسياڭىزدى جانە ءوز كىرىسىڭىزدى، شىعىنىڭىزدى، الەۋمەتتىك جەلىگە نەمەسە كىتاپ وقۋعا كەتەتىن ۋاقىتىڭىزدى، كالوريا مولشەرى مەن قادامدار سانىن باقىلاۋدا ۇستاپ، رەتتەي الاسىز. قورىتىندى: بارلىعىن باقىلاۋدا ۇستاۋ مۇمكىن ەمەس. ولاي قينالعانشا، ومىردەگى كەي زاتتاردى قالاي بار سولاي جاقسى كورۋگە تىرىسىڭىز.

تابىس پەن ساتسىزدىك تۋرالى وقيعالاردى وقىڭىز

قىزىل كىلەمنەن ءجۇرىپ وتكەن اكتەرلەر مەن اكتريسالاردى نەمەسە نوبەل سىيلىعى لاۋرەاتتارىن كورگەندە ولار وسىنداي سەنىمدى ءارى تابىستى بولىپ تۋىلعانداي كورىنەدى. ءبىراق ولاردىڭ سۇحباتتارىن تىڭداساڭىزدار، ولاردىڭ قانداي قيىن جولدان وتكەنىن بىلۋگە بولادى. جەتىستىككە جەتۋ ءۇشىن وقۋ كەرەك، ەڭبەك ەتۋ قاجەت جانە تاۋەكەلگە بارا ءبىلۋ كەرەك. بىرەۋدىڭ وقيعالارى تۋرالى كىتاپتاردى وقۋ ارقىلى كوپتەگەن پايدالى نارسەلەر الۋعا بولادى. مىسالى: ادامدارمەن ارالاسۋ نەمەسە بيزنەس جۇرگىزۋ شەبەرلىگىن ءبىلۋ. قورىتىندى: تەك جامان نارسەنى كورۋگە نەمەسە نەگاتيۆتى ساتتەردى مۇلدەم جوققا شىعارۋعا بولمايدى. بارلىق نارسەدە تەپە- تەڭدىك كەرەك. ءار ىستە «نە دۇرىس» جانە «نە دۇرىس ەمەس» دەپ وزىڭىزگە سۇراق قويىپ، قورىتىندى شىعارۋ كەرەك.

باسقالار ءۇشىن ويلاپ، شەشىم شىعارماڭىز

مىسالى، كوشەدە كەلە جاتقاندا بىرەۋ سىزگە «ءبىرتۇرلى» قارادى. الدىمەن «ول مەنى ونشا ەمەس كيىنىپ العان دەپ ويلادى» دەيسىز، سودان سوڭ «وزىڭە قاراپ ال، قازىر مۇنداي پالتو ساندە ەمەس» دەپ كۇيگەلەكتەنەسىز. ياعني، ءوز- ءوزىڭىزدىڭ كوڭىل كۇيىڭىزدى تۇسىرەسىز. قورىتىندى: تانىس ەمەس ادامنىڭ سىزدە شارۋاسى جوق، ونىڭ ءوز پروبلەمالارى جەتەدى. سوندىقتان تانىمايتىن ادامنىڭ «ءبىرتۇرلى» كوزقاراسىنا بولا كوڭىل كۇيىڭىزدى ءتۇسىرۋدىڭ قاجەتى جوق.

ءومىرىڭىزدى اشۋدى باسۋعا جۇمساماڭىز

1 مينۋتتىق اشۋدىڭ ءوزى يممۋنيتەت دەڭگەيىن 1 ساعاتقا السىرەتەدى. اشۋ كۇندەلىكتى ومىرگە قاجەت سەزىم. تەك ونى دۇرىس جاققا جىبەرە ءبىلۋ ماڭىزدى. ەگەر اشۋدى رەنىشكە، كىناعا، اگرەسسياعا نەمەسە ىشكى ۋايىمعا پايدالانساق، بۇل سەزىم تالقانداۋشى كۇشكە اينالادى. ودان ۇرىس- كەرىس نەمەسە دەپرەسسيا پايدا بولادى. اشۋدى ءپوزيتيۆتى باعىتتا قولدانۋعا بولادى. مىسالى، ونىڭ ەنەرگياسىن قانداي دا ءبىر جاعدايدى شەشۋگە پايدالانىڭىز. مۇنداي كەزدە اشۋدى سپورتتىق نەمەسە قۇمارلىق سەزىم دەپ اتاۋعا بولادى. قورىتىندى: اشۋ - بەيتاراپ سەزىم، ونى قانداي باعىتقا اۋدارساڭىز، ول سونداي تۇسكە بويالادى.

العىس ءتىزىمىن جاساڭىز

قازىر اتا- انا مەن بالا قاتىناسى اشىق ايتىلادى. اتا- انانىڭ بالاعا ءوز ۋاقىتىندا ماحابباتىن كورسەتە الماۋى ونىڭ بولاشاعىنا قالاي اسەر ەتەتىنى، بالا رەنىشتەرى قالاي پايدا بولاتىنى سەكىلدى سۇراقتار ءجيى قاراستىرىلادى. كەي ادامدار ءوز ساتسىزدىكتەرىن اتا- اناسىنىڭ تاربيەسىنەن كورىپ جاتادى. وتباسىلىق قاتىناستار تۋرالى وقىپ- بىلگەنىڭىزدى قازىرگى نەمەسە بولاشاق وتباسىڭىزعا قولدانىڭىز، ءبىراق ءار پروبلەماڭىزدى اتا- اناڭىزدىڭ تاربيەسىنەن كورمەي، ولارعا تەك العىس ايتۋدى ويلاڭىز. جالپى العىس ءتىزىمىن جاساۋدى قولعا الىڭىز. ول ءۇشىن ءبىر پاراقتى نەمەسە داپتەردى كۇندە وزىڭىزبەن بىرگە ۇستاپ ءجۇرىڭىز. ويىڭىزعا تۇسكەنىن بىردەن جازىپ قويىڭىز. كىمگە جانە نە ءۇشىن العىس ايتار ەدىڭىز؟ قورىتىندى: كۇندە «راحمەت» ءسوزىن ايتۋعا تىرىسىڭىز. ول سىزگە دە، باسقاعا دا باقىت سەزىمىن سىيلايدى.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات