تۇزدالعان تاماققا قۇمارتۋ نەنىڭ بەلگىسى؟

نۇر- سۇلتان. قازاقپارات - دارىگەرلەر قانداي دا ءبىر ازىق- تۇلىك تۇرىنە دەگەن اۋەستىك جاسىرىن اۋرۋدىڭ سەبەپكەرى بولۋى مۇمكىن ەكەنىن ايتتى، دەپ حابارلادى ريا «فان».

ولاردىڭ ايتۋىنشا، ءبىر ازىق- تۇلىك ءونىمىنىڭ ءتۇرىن جەۋگە قۇمارتۋ ادامنىڭ تاماقتانۋ ادەتتەرىنە بايلانىستى بولا بەرمەيدى.

كەرىسىنشە، كەي جاعدايدا ءبىرقاتار ۆيتامين مەن ميكروەلەمەنتتەردىڭ جەتىسپەيتىنىن ايعاقتايدى.

ماسەلەن، تاتتىگە اۋەستەنۋ اسقازان- ىشەك جولدارى قىزمەتىنىڭ بۇزىلعاندىعىن كورسەتەدى. ساراپشىلاردىڭ سوزىنشە، قانت كانديدوز اۋرۋىن تۋىنداتاتىن ساڭىراۋقۇلاقتى ءوز بويىنا كوپتەپ سىڭىرەدى. سول سەبەپتى تاتتىگە اسا قۇمار ادامدار اسقازانى مەن ىشەك جولدارىن تەكسەرتىپ تۇرعانى ابزال.

ال تۇزدى تاعاممەن تاماقتانۋعا اۋەستەنۋ نەسەپ- جىنىس جۇيەسىنىڭ سوزىلمالى اۋرۋلارى تۋىنداعان كەزدە نەمەسە يممۋنيتەتى تومەندەگەنىنەن بولۋى مۇمكىن.

سونىمەن قاتار، ماماندار اشى جانە دامدەۋىشتەرى كوپ ازىق- تۇلىككە اۋەس ادامدار تۋرالى ايتتى. ولاردىڭ سوزىنشە، مۇنداي ادامدار ۆيرۋسقا قارسى ءدارى- دارمەكتەردى قابىلداپ جۇرگەنى دۇرىس.

دارىگەرلەردىڭ دەرەكتەرىنە سۇيەنسەك، پياز بەن قىشانى (گورچيتسا) كوپ جەيتىن ادامداردىڭ اعزاسىنا ۆيرۋسقا قارسى اسەرى جوعارى فيتونتسيدتەر جەتىسپەيتىنىن بىلدىرەدى.

سونداي- اق، شەكىلدەۋىك پەن جاڭعاققا جانى قۇمار ادامداردىڭ اعزاسىندا E ءۆيتامينى تاپشى بولۋى مۇمكىن.

BAQ. KZ