+7 (701) 759 90 19
-13 °С : نۇر-سۇلتان
-11 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

شەتەلدە تۇراتىن ەتنيكالىق قازاقتار قازاقستاننىڭ كيەلى جەرلەرىن ارالادى

14 قازان 18:30
:ءبولىسۋ
شەتەلدە تۇراتىن ەتنيكالىق قازاقتار قازاقستاننىڭ كيەلى جەرلەرىن ارالادى

نۇر- سۇلتان. قازاقپارات - شەتەلدە تۇراتىن قانداستار قازاقستاننىڭ ماڭعىستاۋ وبلىسىندا بولىپ، ءبىرقاتار كيەلى ورىنداردى ارالادى.

اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسقان شارانى «وتانداستار قورى» ك ە ا ق جانە دۇنيەءجۇزى قازاقتارى قاۋىمداستىعى بىرلەسە ۇيىمداستىردى، دەپ حابارلايدى قازاقپارات.


«شەتەلدەگى قازاقتار كيەلى ورىنداردى ارالاپ قانا قويماي، ءار ەلدەن كەلگەن جاستار ءوزارا تانىسىپ، ولاردىڭ اراسىنداعى دوستىعىنىڭ نىعايۋىنا دانەكەر بولۋ ماقسات ەتىلگەن ەدى. وسىنداي ماقسات اياسىندا شەتەلدە ءومىر ءسۇرىپ جاتقان قازاق جاستارى اراسىنداعى جاس وتانداستار كلۋبىن قۇرۋ دا جوسپارلاندى. ونىڭ ماقساتى قازاق حالقىنىڭ مادەني جانە رۋحاني قۇندىلىقتارىن ساقتاۋ، قازاقستاننىڭ كيەلى ورىندارىن شەتەلدە دارىپتەۋ، الەمگە تاراتۋ»، - دەلىنگەن باسپا ءسوز بايانىندا.

اتالمىش شاراعا وزبەكستان، رەسەي، قىتاي، موڭعوليا، يران، تۇركيا مەملەكەتتەرىنەن كەلگەن 20 قانداسىمىز قاتىستى.


ايتا كەتەرلىگى، جىل سايىن ءداستۇرلى تۇردە وتەتىن «كيەلى قازاقستان» جوباسىنىڭ كەزەكتى كەزدەسۋى ەركىن فورماتتا ءوتتى. ءار ەلدەن كەلگەن، ءار سالانىڭ وكىلى سانالاتىن قازاق جاستارى ءوزارا پىكىر الماسىپ، شەتتەگى باسقا دا وتانداستارعا ۇلتتىق قۇندىلىقتى تەرەڭىنەن ناسيحاتتاۋ جايىندا ءسوز بولدى.


كەزدەسۋ بارىسىندا يران مەملەكەتىنەن كەلگەن بولاشاق ۇستاز شاحيرە قازاق ءوزى تۇرىپ جاتقان ەلدە قازاق ءتىلىن تولىققاندى مەڭگەرۋگە مۇمكىندىك جوق ەكەنىن ايتادى. بۇل رەتتە «وتانداستار قورى» ك ە ا ق قازاق ءتىلىن ۇيرەنۋگە ارنالعان ونلاين كلاسس اشۋ جۇمىسى قولعا الىنعانىن جەتكىزدى. ال وزبەكستاننان كەلگەن گۇلدانا تورەحان قىزى ۇلتتىق ويىنداردى دارىپتەيتىن ءىس- شارالار كوبىرەك وتكىزىلسە دەگەندى العا تارتادى.


ونىڭ ايتۋىنشا، ۇلتتىق ويىندار ارقىلى دا قازاقي بولمىستى ساقتاپ قالۋدىڭ مۇمكىندىگى زور. جۇزدەسۋدە قانداستار شەتەلدەگى وزدەرىنىڭ جۇمىسى، كاسىبى تۋرالى ايتتى.

بۇدان كەيىن قوناقتار ماڭعىستاۋ وڭىرىنە ساپارلاپ، وندا وڭىردەگى كيەلى ورىندارعا ءتاۋ ەتتى.

ايتا كەتەيىك، ماڭعىستاۋ وبلىسىندا 362-گە جۋىق تاريحي ەسكەرتكىش بار. سولاردىڭ ءبىرى ايگىلى بەكەت اتا كەشەنى.

«ءبىرقاتارى قازاقستانعا العاش رەت قادام جاساپ وتىرعان قانداستار ماڭعىستاۋ وڭىرىندە ەسكەرتكىشتەر تاريحىمەن تانىسىپ اۋليە رۋحىنا قۇران باعىشتادى. بەكەت اتا جايلى ءتۇرلى اڭىز- اڭگىمەلەر ەستىپ تاريح تاعلىمىنا تاڭدانىستارىن جاسىرمادى»، - دەلىنگەن باسپا ءسوز بايانىندا.

اۆتور: قانات مامەتقازى ۇلى


باستى سوزدەر: شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات