+7 (701) 759 90 19
-14 °С : نۇر-سۇلتان
-6 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

انا ءتىلىمىزدىڭ كەز كەلگەن ماسەلەسى ءبىز ءۇشىن وتە ماڭىزدى - داۋرەن ابايەۆ

14 قازان 17:07
:ءبولىسۋ
انا ءتىلىمىزدىڭ كەز كەلگەن ماسەلەسى ءبىز ءۇشىن وتە ماڭىزدى - داۋرەن ابايەۆ

نۇر- سۇلتان. قازاقپارات - قازاق تىلىنە قاتىستى ماسەلەلەردى بايىپپەن شەشكەن ءجون. بۇل تۋرالى «قازاقستان» تەلەارناسىنىڭ «كوزقاراس» باعدارلاماسىنا سۇحبات بەرگەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«بۇل ماسەلە تۋرالى مەن دە بىلەمىن. ارينە، جۋرناليستەردىڭ قويىپ وتىرعان تالابى وتە ورىندى. ءبارىمىز دە بىلەمىز، ءتىل - كوشپەندى قازاق حالقىنىڭ ەڭ اسىل قازىناسىنىڭ ءبىرى. تاريحىمىز دا، تامىرىمىز دا تىلمەن تىعىز بايلانىستى. سوندىقتان انا ءتىلىمىزدىڭ كەز كەلگەن ماسەلەسى ءبىز ءۇشىن وتە ماڭىزدى. ءتىل - ۇلتتىڭ جانى. ءبىراق، ءبىزدىڭ جۋرناليستەر «ءتىل، ءتىل، ءتىل» دەپ شۋلايدى، شۋلاپ تا ءجۇر. تۇسىنەمىز. ءبىراق تا، باسقا سالادا، ەكونوميكا، ءوندىرىس، ينۆەستيتسيا سالاسىندا كوپتەگەن كاسىبي ماماندارىمىز جۇمىس ىستەيدى. ولاردىڭ ءتىل بىلمەۋى ولاردىڭ قاتەلىگى ەمەس. ءتىلدى ۇيرەنىپ تە ءجۇر، تىرىسىپ تا ءجۇر. ءبىراق، ولار كەزىندە ورىس مەكتەپتەرىندە وقىدى، شەتەلدە دە وقىعان شىعار. سوندىقتان قازاق ءتىلىن ونشا جاقسى بىلمەيدى. ءبىراق تا، بۇل سالانىڭ بارىندە جۇمىس ىستەۋ قاجەت قوي؟ قاجەت. ولار - كاسىبي ماماندار. سوندىقتان مەنىڭ ويىم، بۇل ماسەلە رەت- رەتىمەن شەشىلەدى. اعايىن، ءار ماسەلەنى بايىپپەن، اقىلمەن شەشكەن ءجون»، - دەدى مينيستر.

وسى ورايدا ول 1991 -جىلى قازاق مەكتەپتەرىندە 1 ميلليون بالا وقىسا، قازىرگى ۋاقىتتا 2 ميلليوننان استام بالا وقىپ جۇرگەنىن مىسالعا كەلتىردى.

«ياعني، قازاق سىنىبىن بىتىرگەن بالالاردىڭ سانى 2 ەسە ارتتى. قازاق مەكتەبىندە وقىپ جۇرگەن وسى وقۋشىلار مەملەكەتتىك ورگاندارعا جانە باسقا دا سالالاردا انا ءتىلىمىزدىڭ قولدانۋ اياسىن كەڭەيتەتىنى ءسوزسىز. ءبىراق، وعان ۋاقىت كەرەك»، - دەدى داۋرەن ابايەۆ.

ەستەرىڭىزگە سالا كەتسەك، تاياۋدا ب ا ق وكىلدەرى قازاق ءتىلى ماسەلەسىن قايتا كوتەرىپ، پرەزيدەنتكە حات جازۋعا نيەت ەتكەن بولاتىن.

اۆتور مارلان جيەمباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات