نۇر- سۇلتاندا سىني ويلاۋ مەكتەبى جۇمىسىن باستادى
دەپ حابارلايدى قازاقپارات ەلوردا اكىمدىگىنە سىلتەمە جاساپ.
جوبا قالالىق قوعامدىق دامۋ ىستەرى باسقارماسىنىڭ باستاماسىمەن جۇزەگە اسىرىلۋدا. قازان مەن قاراشا ايلارى ارالىعىندا جاستارعا ارنالعان كيبەرقاۋىپسىزدىك، پسيحولوگيا جانە كوممۋنيكاتسيا سالاسىنداعى جوعارى بىلىكتى ماماندار ترەنينگتەر توپتاماسىن وتكىزەدى.
ينتەرنەتتە ۇسىنىلعان اقپاراتقا سىني كوزبەن قاراي ءبىلۋ ادامعا ۆيرتۋالدىق جانە شىنايى الەمدى اجىراتۋعا كومەكتەسىپ قانا قويماي، سونىمەن قاتار عالامتوردا ءجيى كەزدەسەتىن جالعان اقپاراتتى جۇرەگىنە جاقىن قابىلداماي، ءوز پسيحيكاسىن ساقتاۋعا كومەكتەسەدى.
«جاستار اقپاراتتىڭ تاراتىلۋ جىلدامدىعى جانە تەحنولوگيالاردىڭ قارقىندى دامۋىنا دايىن بولۋى ءتيىس. تاقىرىپتىڭ وزەكتىلىگىنە بايلانىستى اتالمىش جوبا ۇيىمداستىرىلدى»، - دەپ اتاپ ءوتتى جوبانىڭ ۇيىمداستىرۋشىلارى.
جوباعا قاتىسۋ وتىنىشتەرى 2019 -جىلعى قىركۇيەكتەن باستاپ 3 - قازانعا دەيىن قابىلداندى. ناتيجەسىندە 300-گە جۋىق ۇمىتكەرلەر تىركەلدى، ولاردىڭ 62- ءسى ورتا مەكتەپ وقۋشىسى، 167- ءسى ستۋدەنت، 57- ءى جاس مامان.
جالپى ۇمىتكەرلەر اراسىنان 180 تىڭداۋشى تاڭدالدى. ولار سىني ويلاۋ جانە كيبەر كەڭىستىكتەگى اقپاراتتى تالداۋ داعدىلارىن جەتىلدىرۋ بويىنشا ترەنينگتار توپتاماسىنا قاتىسۋعا مۇمكىندىك الدى. ءۇش اپتا ىشىندە جاستار كيبەرقاۋىپسىزدىك جانە كوممۋنيكاتسيا سالاسىنداعى جەتەكشى ساراپشىلاردىڭ كۋرستارىنان وتەدى. جوبا ناتيجەلەرى بويىنشا قاتىسۋشىلار اراسىندا مەديا ساۋاتتىلىق بويىنشا چەمپيونات وتكىزۋ جوسپارلانعان.