قازاقستاندى ەسكى-قۇسقى كولىك باسىپ بارادى
2019 -جىلدىڭ شىلدە ايىنىڭ سوڭىندا تىركەلگەن جەڭىل اۆتوكولىكتەردىڭ سانى 3,7 ميلليونعا جۋىقتادى. حالىقتا 3,5 ميلليون جەڭىل كولىك بار. ەل ءمىنىپ جۇرگەن جەڭىل كولىك سانىنىڭ جىلدىق ءوسىمى 4 وڭىردە عانا تىركەلگەن. اتاپ ايتقاندا، نۇر-سۇلتان قالاسىندا - 2,6 پايىزعا ارتىپ، 265 مىڭ، الماتى وبلىسىندا - 1,2 پايىز كوبەيىپ، 489,3 مىڭ، جامبىل جانە قىزىلوردا وبلىستارىندا - 0,1 پايىزعا ۇلعايىپ، تيىسىنشە 196,5 مىڭ جانە 112,7 مىڭ كولىكتى قۇرادى. ديپلوماتيالىق ءنومىرى بار اۆتوموبيلدەردىڭ سانى دا 17,7 پايىزعا ارتىپ، 29,1 مىڭعا جەتىپ وتىر.
«3 جىلدان باستاپ 7 جىلعا دەيىنگى ارالىقتا شىعارىلعان كولىكتەردىڭ سانى دا 18,2 پايىزعا ارتتى. ولاردىڭ جالپى ۇلەسى 12,6 دان 15,7 پايىزعا جەتىپ وتىر. بارلىق تىركەلگەن اۆتوموبيلدەردىڭ ۇشتەن ەكىسىنە جۋىعى - 10 جىلدان استام ۋاقىت بۇرىن شىعارىلعان كولىكتەر. ولاردىڭ سانى ءبىر جىلدا 2,9 پايىزعا كەمىگەنىمەن، جالپى ۇلەسى 63-تەن 64,8 پايىزعا دەيىن كوبەيگەن. شىعارىلعانىنا 3 جىل تولماعان كولىكتەردىڭ سانى 25,9 پايىزعا قىسقارعان»، - دەلىنگەن تاراتىلعان اقپاراتتا.
ەسكى كولىكتەر سانىنىڭ ارتۋىنا ەكىنشى دەڭگەيلى بانكتەردىڭ شىققانىنا 10 جىلدان اسىپ كەتكەن اۆتوموبيلدەردى ساتىپ الۋعا نەسيە بەرۋى سەبەپ بولىپ وتىر. ال وسىدان بىرنەشە جىل بۇرىن بانكتەر زاۋىتتان شىققانىنا 7 جىلدان اسپاعان كولىكتەردى عانا ساتىپ الۋعا نەسيە بەرەتىن ەدى.
اۆتور: مارلان جيەمباي