مينيستر جوعارى وقۋ ورىندارى رەكتورلارىنا وقىتۋشىلاردىڭ جالاقىسىن كوتەرۋدى تاپسىردى

نۇر-سۇلتان. قازاقپارات - ەلىمىزدەگى جوعارى وقۋ ورىندارى وقىتۋشىلارىنىڭ جالاقىسى كوتەرىلەدى.

بۇل جايىندا ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى، دەپ حابارلايدى قازاقپارات ءتىلشىسى.

«مەملەكەت باسشىسى ءبىلىم ساپاسىن ارتتىرۋ جانە پەداگوگتاردى قولداۋ جونىندە تاپسىرما بەردى. وسى تاپسىرما اياسىندا مينيسترلىك مەملەكەتتىك ج و و رەكتورلارىنا ج و و وقىتۋشىلارىنىڭ ەڭبەكاقىسىن 2020 -جىلدىڭ 10 - قاڭتارىنا دەيىن 30 دان 50 پايىزعا دەيىن ارتتىرۋ مىندەتىن جۇكتەدى. بۇل شەشىمنىڭ ناقتى نەگىزدەرى بار. ءبىز جوعارى وقۋ ورىندارىنىڭ بيۋدجەتىنە تالداۋ جۇرگىزدىك. ول ەڭبەكاقى تولەۋ قورىن ۇلعايتۋ ءۇشىن رەزەرۆتىڭ بار ەكەندىگىن كورسەتتى»، - دەپ جازدى مينيستر.

ونىڭ اتاپ وتۋىنشە، بۇگىندە ءبىرقاتار جوعارى وقۋ ورىندارىنىڭ وقىتۋشىلارى 60-70 مىڭ تەڭگە كولەمىندە جالاقى الادى. مۇنداي ساياساتپەن ساپانى تالاپ ەتۋ مۇمكىن ەمەس.

«ە ۇ ۋ، كاسپي ۋنيۆەرسيتەتى مەن تاراز پەداگوگيكالىق ۋنيۆەرسيتەتى سياقتى جوعارى وقۋ ورىندارى جالاقىنى كوتەرۋدى قازىردىڭ وزىندە باستاپ كەتتى. قالعان مەملەكەتتىك ج و و مەنىڭ تاپسىرمامدى مىندەتتى تۇردە ورىنداۋى ءتيىس. سونىمەن قاتار، رەكتورلاردىڭ الدىنا ءبىزدىڭ جوو- دا جۇمىس ىستەيتىن اكادەميكتەردى ارنايى قوسىمشا اقى بەلگىلەۋ ارقىلى قولداۋ مىندەتى قويىلدى. جوعارى وقۋ ورىندارىندا اكادەميكتەر كوپ ەمەس، سوندىقتان ءبىز ءوزىمىزدىڭ عىلىمي ەليتامىزدى قولداۋعا مىندەتتىمىز. بۇل شارالار مەملەكەتتىك بيۋدجەتتەن قوسىمشا قاراجات پەن وزگە دە كۇش- جىگەردى قاجەت ەتپەيتىنىن ەرەكشە اتاپ وتكىم كەلەدى. بارلىعى قولدا بار مۇمكىندىكتەر اياسىندا جاسالادى. جاس عالىمداردى قولداۋ تەتىكتەرى دە بولاشاقتا قاراستىرىلادى»، - دەدى اسحات ايماعامبەتوۆ.

اۆتور: مارلان جيەمباي