+7 (701) 759 90 19
-1 °С : نۇر-سۇلتان
-4 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

قازاقستاندا پايدالانىلماي جاتقان جەرلەردى قايتارىپ الۋ بويىنشا جول كارتاسى ازىرلەندى

14 قازان 16:31
:ءبولىسۋ
قازاقستاندا پايدالانىلماي جاتقان جەرلەردى قايتارىپ الۋ بويىنشا جول كارتاسى ازىرلەندى

نۇر- سۇلتان. قازاقپارات - اۋىل شارۋاشىلىعى ماقساتىنداعى پايدالانىلماي جاتقان جەردى قايتارىپ الۋ بويىنشا جول كارتاسى ازىرلەندى، دەپ حابارلايدى قازاقپارات ءتىلشىسى.

قولدانىستاعى 2017-2021 -جىلدارعا ارنالعان اگروونەركاسىپتىك كەشەندى دامىتۋدىڭ مەملەكەتتىك باعدارلاماسى اياسىندا 2021 -جىلعا قاراي اۋماعى 610 مىڭ گ ا بولاتىن جاڭا جەرلەردى اينالىمعا ەنگىزۋ بويىنشا جۇمىس جۇرگىزىلىپ جاتىر. قازىرگى تاڭدا قازاقستاندا 1,4 ميلليون گ ا سۋارمالى جەر بار. ەگەر بۇعان قازىر جوسپارلاپ وتىرعان 610 مىڭ گ ا قوساتىن بولساق، وندا 2021 -جىلعا قاراي ءبىز 2 ميلليون گ ا جەرگە قول جەتكىزەمىز. ول ءۇشىن اۋقىمدى جۇمىستار اتقارىلۋدا»، - دەدى ساپارحان وماروۆ ۇكىمەتتىڭ باسپا ءسوز ورتالىعىندا.

ءمينيستردىڭ ايتۋىنشا، سۋارمالى جەرلەردىڭ كولەمىن كەزەڭ- كەزەڭمەن ارتتىرۋ بويىنشا قويىلعان مىندەتتى ىسكە اسىرۋ جۇمىستارى قولعا الىنعان. وسى ماقساتتا وبلىس اكىمدىكتەرى ەكولوگيا، گەولوگيا جانە تابيعي رەسۋرستار مينيسترلىگىمەن بىرلەسىپ، ءمجا تەتىگى ارقىلى جەكە ارىپتەستىكتىڭ قاتىسۋىمەن جاڭا سۋارمالى جەرلەردى دامىتۋ بويىنشا جوبالاردى ىسكە اسىرىپ، يرريگاتسيالىق جەلىلەردى سالۋ ءۇشىن الەۋەتتى ينۆەستورلاردى انىقتاۋ ۇستىندە. وسى اتالعان شارالار 2030 -جىلعا قاراي سۋارمالى جەر كولەمىن 3 ميلليون گەكتارعا دەيىن ارتتىرۋعا مۇمكىندىك بەرىپ، اۋىل شارۋاشىلىعى ونىمدەرى كولەمىنىڭ 4,5 ەسە ءوسىمىن قامتاماسىز ەتەدى.

سونىمەن قاتار، اۋىل شارۋاشىلىعى ءمينيسترى پرەزيدەنت قاسىم- جومارت توقايەۆتىڭ پايدالانىلماي جاتقان اۋىل شارۋاشىلىعى جەرلەرىن وندىرىستىك قىزمەتكە تارتۋ بويىنشا تاپسىرماسىنىڭ ورىندالۋ جايىن بايان ەتتى.

«اتالعان جۇمىستى مينيسترلىك قىزۋ جۇرگىزىپ جاتىر. ماسەلەن، بارلىق زاڭنامالىق نەگىزدەر قايتا قاراستىرىلعان، قوسىمشا وزگەرىستەر ەنگىزۋ جوسپارلانعان. مينيسترلىك اۋىل شارۋاشىلىعى ماقساتىنداعى پايدالانىلماي جاتقان جەرلەردى قايتارىپ الۋ بويىنشا جول كارتاسىن ازىرلەدى. وسى جول كارتاسى اياسىندا اۋىل شارۋاشىلىعى ماقساتىنداعى پايدالانىلماي جاتقان جەرلەرگە سالىناتىن سالىق مولشەرىن كەزەڭ- كەزەڭمەن كوتەرۋ جوسپارلانعان. قازىر وبلىستىق ءماسليحاتتارعا پايدالانىلماي جاتقان جەرلەرگە سالىناتىن سالىقتى 10 ەسەگە دەيىن ارتتىرۋ بويىنشا قۇقىقتار بەرىلگەن. ءبىز بۇگىنگى تاڭدا وسى سالىق مولشەرىن 20 ەسەدەن 30 ەسەگە دەيىن ارتتىرۋدى كوزدەپ وتىرمىز. مىسالى، رەسەيدە بۇل سالىق قازىر 100 ەسەگە دەيىن كوتەرىلگەن»، - دەدى ساپارحان وماروۆ.

اۋىل شارۋاشىلىعى مينيسترلىگى اۋىل شارۋاشىلىعى ماقساتىنداعى پايدالانىلماي جاتقان جەرلەردى قايتارىپ الۋ مەرزىمدەرىن قىسقارتۋدى جوسپارلاپ وتىر.

«پايدالانىلماي جاتقان جەرلەر تەك سوت ارقىلى الىنادى. ال بۇعان 2-3 جىل ۋاقىت كەتەدى. سوندىقتان، ەگەر جەرلەر پايدالانىلماسا، وندا جالعا الۋ كەلىسىمشارتىن ءبىرجاقتى رەتتە بۇزۋ تۋرالى ۇسىنىستار ەنگىزىلۋدە. ەكىنشىدەن، جەر پايدالانۋشىلاردىڭ كوبى ءبىزدىڭ قىزمەتكەرلەرىمىزدەن قاشادى، تەكسەرۋ جۇرگىزۋ قاجەتتىگى تۋرالى حابارلامالاردى العىسى كەلمەيدى. سوندىقتان قازىر ءبىز مۇنىڭ ءبارىن اۆتوماتتاندىرۋدى جوسپارلاپ وتىرمىز. ياعني، ازاماتتارعا س م س حابارلامالار كەلەتىن بولادى. مەن بۇل اۋىل شارۋاشىلىعى تاۋارلارىن وندىرۋشىلەر ءۇشىن دە، ءبىزدىڭ قىزمەتكەرلەرىمىز ءۇشىن دە ىڭعايلى دەپ ويلايمىن»، - دەدى ساپارحان وماروۆ ۇكىمەتتىڭ باسپا ءسوز ورتالىعىندا.

ءمينيستردىڭ ايتۋىنشا، پايدالانىلماي جاتقان جەرلەردى قايتارىپ الۋ بويىنشا جول كارتاسىنىڭ جوباسى مەملەكەتتىك ورگانداردىڭ تالقىلاۋىندا جاتىر.

«بيىل 10 - قازاننان باستاپ پارلامەنت سەناتى «ق ر كەيبىر زاڭنامالىق اكتىلەرىنە ا ءو ك رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمىندا ماقۇلداپ، قول قويۋعا جىبەردى. بۇل زاڭ جوباسى ءۇش جىلعا جۋىق ۋاقىت بويى قارالدى، وندا قازاقستان رەسپۋبليكاسىنىڭ 13 كودەكسى مەن 29-زاڭىنا 800-دەن اسا تۇزەتۋلەر ەنگىزۋ قاراستىرىلادى. وسى زاڭ اياسىندا اۋىل شارۋاشىلىعىنداعى ساقتاندىرۋ جۇيەسىنىڭ تاسىلدەرى وزگەرتىلەدى: مىندەتتى ساقتاندىرۋدان ەرىكتى ساقتاندىرۋعا كوشۋ جۇزەگە اسىرىلادى. سونداي- اق ساقتاندىرۋ تولەمدەرىن سۋبسيديالاۋدان ساقتاندىرۋ سىياقىلارىن سۋبسيديالاۋعا كوشۋ قولعا الىنادى»، - دەدى ول.

ساپارحان وماروۆ سونىمەن قاتار اكىمدىكتەر مەن كەدەندىك ورگانداردان باقىلاۋ- قاداعالاۋ فۋنكسيالارى اۋىل شارۋالىشىعى مينيسترلىگىنە قايتارىلاتىنىن اتاپ ءوتتى. بۇدان بولەك، كاسىپكەرلەر يننوۆاتسيا تارتۋ ءۇشىن عىلىمي زەرتتەۋلەردى قارجىلاندىرۋ بويىنشا بيزنەس شىعىندارىنىڭ ءبىر بولىگىن سۋبسيديالاۋ قاراستىرىلادى.

ەسكە سالا كەتسەك، بۇگىنگى ۇكىمەتتىڭ باسپا ءسوز ورتالىعىنداعى بريفينگتە ساپارحان وماروۆ اۋىل شارۋاشىلىعى ماقساتىنداعى پايدالانىلماي جاتقان جەردى قايتارىپ الۋ بويىنشا جول كارتاسى ازىرلەنگەنىن حابارلاعان بولاتىن.

اۆتور: ايان بەكەن ۇلى


باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات